Mɔgɔkɔrɔbaw tɛ waajuli dabila

¹ Komi mɔgɔw b’a la ka kɔrɔ, u caman b’a ŋaniya k’u bolobɔ u ka baara la ani ka ɲɛnamaya daamu kunnatigɛ kɔnɔ, u si tɔ la. U b’a miiri k’u ye baara gɛlɛn min kɛ, k’o bɛ bɔli kɛ, ani ko sisan, u ka kan ni lafinyɛ ye. Walima u b’a fɛ dɔrɔn ka ɲɛnamaya diya bɔ, u si tɔ la.​—⁠Luka 12:⁠19.

² Anw, Jehowa ka maganna yɛrɛbakundilenw, hakilina wɛrɛ b’an na ɲɛnamaya ko la. An b’a dɔn ko bolobɔko tɛ Ala ka baara la. An ka hakilina ye nafaman ye, katuguni an b’an yɛrɛ mara “ɲɛnamaya banbali kama”. (Jude 21.) Sanw sen fɛ, dɔnniya ni kodɔn dalajɛlenw bɛ se ka mɔgɔ ka kofaranfasiyali n’a ka hakilimaya ɲɛ ka taa’ fɛ. O bɛ se k’a to, mɔgɔ ka kɛ hakilima ye ani mɔgɔ bɛrɛmakɛnyɛlen ye, ani ka ɲɛnamaya nafa dunba dankɛnɛmaya. Nin mankutuw bɛɛ ye fɛn nyɛkomaw ye mɔgɔ ma, walisa a ka kɛ kibaru dumanw baarakɛla ye.

³ Kɔrɔya tɛ farisogo dama ko ye; a bɛ ye miiri cogo fana la. N’i ka jate bɛ si jan kan, ani ni ye i gɛlɛya ka to denmisɛnya la, hakilina ta fan fɛ, a ca’ la, i bɛ se ka si jan sɔrɔ ani ka denmisɛn hakili mara. Mɔgɔkɔrɔbaw bɛ se k’u ka ɲɛnamaya fɛntigiya u kɛtɔ ka dɔ fara u ka dɔnniya kan, Alako ta fan fɛ, ani u kɛtɔ k’a tila ni tɔw ye, kerecɛn cidenyabaara sen fɛ.​—⁠1 Kor. 9:⁠23.

⁴ Misali waleyalenw: K’a si to san 86 la, balimamuso dɔ ko: “Ni ne bɛ ne hakilijagabɔ tuma min na san 60 kan, o minnu tɛmɛna kabini ne ye tiɲɛ dɔn, Ala ka danna layidu bɛ poyi ne dusukun na. Ɔwɔ, Jehowa min sago ye ka kunkelenya wale kɛ kunkelenw ye, a b’a to an ka nisɔndiya sɔrɔ (Zab. 18:26). Balimakɛ kɔrɔba dɔ hakili b’a la, a furumuso ka saya digira a la kojugu cogo min na; o saya in kɔfɛ, a ka kɛnɛya nagasira kosɛbɛ. A ko: “Sisan Jehowa ka ɲumanya kosɔn, ne man kan ni min ye, ne ye kɛnɛya kura sɔrɔ min ye ne labɔ fo ne sera ka don tutigɛli baara la, san fila o kɔfɛ. Ne bɛ Jehowa koɲumandɔn haali, bawo ne ka kɛnɛya labanna ka fisaya waajulibaara yiriwali fɛ.”

⁵ O ye foli kun ye haali, ka mɔgɔkɔrɔbaw caman ye k’a latigɛ ka taa’ fɛ ka waajuli kɛ u seko bɛɛ la, ka kɛnyɛ ni fɛn ye, u ka kɛnɛya n’u fanga bɛ min yamaruya—dabilaliko t’a la! Dalilu ɲuman b’u bolo ka kaba ko: “O Ala, i ye ne kalan kabini ne denmisɛnma. Ne ye i ka kabakow lakali fo ka se bi ma.”​—⁠Zab. 71:⁠17.