Lajɛ minnu bɛ mɔgɔ bila kɛwale ɲumanw na

¹ An ka bato kɔnɔfɛn kolomaw fila ye ka taa jɛkulu lajɛw la ani k’an niyɔrɔ kɛ foro baara la. O fila bɛ taa ɲɔgɔn fɛ. Kelen bɛ nɔ bila tɔ kelen na. Kerecɛn lajɛw b’an bila kɛwale ɲumanw na, o minnu bɛɛ la ɲuman ye Masaya-waajuli ni kalanden-kɛli baara ye (Heb. 10:24). K’a lajɛw taa dabila, o na teliya fana k’an bila ka waajuli baara lajɔ, bawo an tɛna bila k’o kɛ.

² Dɔgɔkun lajɛw la, an bɛ alakamiiriko kalan sɔrɔ, o min labɛnna walisa k’an bila ka waajuli kɛ. Sinsi bɛ kɛ tuma bɛɛ waati teliyali kan, o kɛtɔ k’an digi ka Bibulu ka ɲɛnamaya cikan lase tɔw ma. An bɛ dusukunlamin ni fanga sɔrɔ walisa ka muɲu waajuli baara la (Mat. 24:​13, 14). An kɛtɔ ka siraw sɔrɔ ka kuma lajɛw la, o b’an nafa, bawo an bɛna deli kosɛbɛ an ka limaniya kofɔli la mɔgɔ wɛrɛw ɲɛ na ( Heb. 10:23). N’an y’an tɔgɔ sɛbɛn Ala-ka-marako Cidenyabaara Kalanso la, an bɛ degeli sɔrɔ walisa ka kɛ ciden jolenw ye kosɛbɛ ani ka dɔ fara an ka seko kan kalan cogoya ta fan fɛ.​—⁠2 Tim. 4:⁠2.

³ Baara ka lajɛw b’an bila cogo min na ka waajuli kɛ: Dusu donna an bɛɛ kɔnɔ walisa an ka kɔn k’An ka Masaya Cidenyabaara sɛbɛn lajɛ, an ka waati kɔnɔna na. O kunnafoni nɔ bɛ to an hakiliw la ikomi an bɛ taa Baara ka lajɛ la, ani an bɛ nyɛjiraliw ɲɛfɔcogo ye banbali kan. N’an bɛ foro baara la, an bɛ se k’an hakili lana An ka Masaya Cidenyabaara kan, k’an hakilijigin nyɛjiraliw ɲɛfɔcogo la, ani o cogo la, ka seereya kɛ min bɛ nɔ to kosɛbɛ. O de kɛra weleweledala caman ka ko dɔn ye.

⁴ Walisa ka Baara lajɛkow latimɛ, dɔw bɛ don da ni tɔw ye, walisa u ka waajuli kɛ ɲɔgɔn fɛ cidenyabaara la. Weleweledalaw miiri bɛ hakilinaw la minnu bɛ waleya foro kɔnɔ. Dusu donna u kɔnɔ k’a ɲini ka baara kɛ n’o hakilinaw ye, bawo o lajɛw b’u dusukunlamin u k’u niyɔrɔ kɛ waajuli baara la, dɔgɔkun o dɔgɔkun.

⁵ Yɔrɔ si tɛ yen min bɛ bila an ka kerecɛn lajɛw nɔ na, n’a bɛ an ani an batokɛɲɔgɔnw fara ɲɔgɔn kan, ani n’a b’an bila ka kɛwale ɲumanw kɛ. Walisa k’an ka cidenyabaara yiriwa, an ka kan ka taa jɛkulu lajɛw la. An ka Jehowa waleɲumandɔn o dakabana fɛɛrɛ in na, ko: “an kana ɲɔgɔn lajɛli dabila.”​—⁠Heb. 10:25.