KALANSEN 12
Mun de bɛna i dɛmɛ walasa i ka ta’a fɛ ka Bibulukalan kɛ?
Bibulukalan ye dugutaga ye dubaw bɛ sɔrɔ min na. O bɛɛ n’a ta, a bɛ se ka kɛ ko o dugutaga tɛ nɔgɔya tuma bɛɛ. Tuma dɔw la yɛrɛ, a bɛ se ka kɛ ko i b’i yɛrɛ ɲininka n’a y’a sɔrɔ ko i bɛna se ka ta’a fɛ ka Bibulukalan kɛ. Mun na nafa b’a la i ka cɛsiri kɛ walasa ka ta’a fɛ ka Bibulukalan kɛ? Mun de bɛ se k’i dɛmɛ i k’i timinandiya o fɛ hali ni gɛlɛyaw b’i kan?
1. Mun na nafa bɛ Bibulukalan na?
“Ala ka kuma ɲɛnama don, a ka teli.” (Heburuw 4:12) Nafa bɛ Bibulu la ka d’a kan Ala hakilina ye min ye ka ɲɛsin i ma ani kanuya min bɛ Ala la ka ɲɛsin i ma, Bibulu bɛ olu jira. A bɛ i dɛmɛ i ka dɔnniya sɔrɔ, nka o dɔrɔn tɛ, a bɛ i dɛmɛ fana i ka tiɲɛ, hakilitigiya ani jigiya sɔrɔ. Min nafa ka bon n’a bɛɛ ye, o ye ko, Bibulu bɛ i dɛmɛ i ka kɛ Jehova teri ye. I ka Bibulukalan sababu fɛ, i b’a to Bibulu fanga ka nɔ ɲuman bila i ka ɲɛnamaya la.
2. Mun na nafa b’a la i ka Bibulu tiɲɛ nafa dɔn?
Tiɲɛ minnu bɛ Bibulu kɔnɔ olu bɛ iko nafolo nafamabaw. O de kosɔn, Bibulu bɛ dusu don an kɔnɔ an ka “tiɲɛ san,” an “kana a feere”. (Ntalenw 23:23) Nafa min bɛ Bibulu tiɲɛw la, ni an y’o to an hakili la, an bɛ baaraba kɛ walasa ka ta’a fɛ ka Bibulukalan kɛ wa an b’o kɛ hali ni gɛlɛyaw bɛ an kan.—Ntalenw 2:4, 5 kalan.
3. Jehova bɛ se ka i dɛmɛ cogo di i ka ta’a fɛ ka Bibulukalan kɛ?
Ikomi Jehova de ye i Dabaga Sebaayabɛɛtigi ani i Teri ye, a b’a fɛ k’i dɛmɛ i ka fɛn caman dɔn a ko la. A bɛ se ka ‘se di i ma i ka sɔn a yɛrɛ diyaɲekow ma ka u kɛ.’ (Filipekaw 2:13 kalan.) O la, ni tuma dɔw la, i mago b’a la dɔ ka fara i ka dusudonnkɔnɔ kan walasa i ka ta’a fɛ ka Bibulukalan kɛ walima ka i ka fɛn kalantaw waleya, Jehova bɛ se ka i dɛmɛ. Ni i mago b’a la dɔ ka fara i ka fanga kan walasa ka se sɔrɔ gɛlɛyaw walima kɔrɔbɔliw kan, a bɛ se ka o fanga di i ma. To k’a ɲini Jehova fɛ tuma bɛɛ delili kɔnɔ a k’i dɛmɛ i ka ta’a fɛ ka Bibulukalan kɛ.—1 Tesalonikekaw 5:17.
DƆ FARA I KA DƆNNIYA KAN
An k’a ɲini k’a dɔn i bɛ se ka ta’a fɛ ka Bibulukalan kɛ cogo min na hali k’a sɔrɔ i bolo degunnenba don walima ko tɔw bɛ ka i kɔrɔbɔ. O kɔ, an b’a lajɛ Jehova bɛna i dɛmɛ cogo min na walasa i ka timinandiya sɔrɔ.
4. I ka Bibulukalan kɛ fɛn nafamaba dɔ ye i bolo
Tuma dɔw la kow bɛ caya an bolo, fo a bɛ kɛ iko waati bɛrɛ tɛ an bolo ka Bibulukalan kɛ. Mun de bɛ se ka an dɛmɛ? Filipekaw 1:10 kalan, o kɔ aw ka baro kɛ nin ɲininkaliw kan:
“Ko ɲumanw”, [walima ko minnu nafa ka bon ni kow bɛɛ ye] ɲɛnamaya kɔnɔ, e hakili la olu dɔw ye jumɛnw ye?
I bɛ se ka i ka Bibulukalan kɛ fɛn nafamaba dɔ ye i bolo cogo jumɛn na?
Ni i ye cɛncɛn kɛ syo kɔnɔ fɔlɔ ka sɔrɔ k’a ɲini ka kabakurunw k’a la, kabakurunw bɛɛ tɛna se ka don a kɔnɔ
Ni i ye kabakurunw kɛ syo kɔnɔ fɔlɔ, i bɛna se ka cɛncɛn fanba bɛɛ don a kɔnɔ. O cogo kelen na, ni i ye “ko ɲumanw”, [walima ko minnu nafa ka bon ni kow bɛɛ ye], bila jɔyɔrɔ fɔlɔ la i ka ɲɛnamaya kɔnɔ, i bɛna se ka u bɛɛ kɛ ani ka waati sɔrɔ halisa fɛn wɛrɛw kɛli kama
Ka Bibulukalan kɛ, o bɛ kɛ sababu ye faantanya min bɛ an na Ala ta fan fɛ [walima an ka alako magow] o ka wasa, ni olu ye—nege min bɛ an na ka Ala dɔn ani k’a bato. Matiyu 5:3 kalan, o kɔ aw ka baro kɛ nin ɲininkali kan:
An bɛ nafa jumɛn sɔrɔ ni an ye Bibulukalan kɛ fɛn nafamaba dɔ ye an bolo?
5. I k’i timinandiya ni kɔrɔbɔli b’i kan
Tuma dɔw la, mɔgɔ dɔw bɛ se k’a ɲini ka i fari faga walasa i ka Bibulukalan dabila. Francesco ka misali lajɛ. A’ye WIDEYO lajɛ, o kɔ aw ka baro kɛ nin ɲininkaliw kan:
Wideyo kɔnɔ, Francesco teriw ni a ba ye mun de kɛ tuma min na a y’a fɔ u ye a bɛ ka fɛn min kalan?
Cogo jumɛn na a ye dubaw sɔrɔ a ka timinandiya kosɔn?
2 Timote 2:24, 25 kalan, o kɔ aw ka baro kɛ nin ɲininkaliw kan:
I somɔgɔw ani i teriw hakilinaw ye mun de ye fɛnw kan i bɛ ka minnu kalan?
Ka kɛɲɛ ni nin tɛmɛsiraw ye, e ka kan ka mun de kɛ n’a man di mɔgɔ dɔ ye i ka Bibulukalan kɛ? Mun na?
6. I jigi da Jehova kan a k’i dɛmɛ
Ni an bɛ ka gɛrɛ Jehova la, nege min bɛ an na ka an kodiya a ye, o nege bɛ bonya. O bɛɛ n’a ta an bɛ se k’a ye ko a ka gɛlɛn ka yɛlɛma dɔw kɛ an ka ɲɛnamaya kɔnɔ walasa ka taama ka kɛɲɛ ni a ka sariyakolow ye. Ni o miirina ɲɔgɔn delila ka kɛ i la, kana a dabila. Jehova bɛna i dɛmɛ. A’ye WIDEYO lajɛ, o kɔ aw ka baro kɛ nin ɲininkaliw kan:
Wideyo kɔnɔ, Jim ye yɛlɛma jumɛnw kɛ walasa ka a kodiya Jehova ye?
Mun de ye i kabakoya a ka misali la?
Heburuw 11:6 kalan, o kɔ aw ka baro kɛ nin ɲininkaliw kan:
Jehova bɛna mun de kɛ a “ɲinibaaw” ye? Olu ye mɔgɔw ye minnu bɛ u jija kosɛbɛ k’a ɲini ka a dɔn ani ka u kodiya a ye
Ka kɛɲɛ ni nin tɛmɛsira ye, ni Jehova y’a ye ko i bɛ ka cɛsiriw kɛ walasa ka Bibulukalan kɛ, yala o ka di a ye wa? Mun na i b’o miiri?
MƆGƆ DƆ BƐ SE KA NIN ƝININKALI KƐ: “Mun na i bɛ ka Bibulukalan kɛ Jehova Seerew fɛ?”
I bɛ o tigi jaabi cogo di?
BAKURUBAFƆLI
Hali ni a man nɔgɔn tuma bɛɛ, Bibulukalan bɛ se k’i dɛmɛ i ka ɲɛnamaya kɛ nisɔndiya la fo badaa. Ta’a fɛ ka i jigi da Jehova kan, o la a bɛna i sara.
Seginnkanni
Mun na Bibulu tiɲɛw nafa ka bon i bolo?
“Ko ɲumanw”, [walima ko minnu nafa ka bon ni kow bɛɛ ye], i bɛ se ka olu “faranfasi” cogo di?
Mun na i ka kan k’a ɲini Jehova fɛ a ka i dɛmɛ i ka ta’a fɛ ka Bibulukalan kɛ?
NINNU LAJƐ
Fɛɛrɛ naani lajɛ minnu ye mɔgɔ caman dɛmɛ u ka baara kɛ ni u ka waati ye ni hakilitigiya ye.
“I bɛ se ka baara kɛ ni i ka waati ye cogo min na ni hakilitigiya ye” (g14 02)
A lajɛ Jehova ye muso dɔ dɛmɛ cogo min na min furucɛ ma a ka cɛsiriw faamu a bɛ ka minnu kɛ walasa k’a kodiya Jehova ye.
Tuma dɔw la mɔgɔw bɛ Jehova Seerew jalaki ko u bɛ denbayaw fara. Nka yala o ye tiɲɛ ye wa?
“Yala Jehova Seerew bɛ denbayaw fara walima u b’u dɛmɛ u k’u barika bonya?” (jw.org barokun dɔ)