KALANSEN 12

Kuma ni dusumandiya ye ani i yɛrɛ bila tɔw nɔ na

1 Tesalonikekaw 2:7, 8

BAKURUBAFƆLI: I dusukunnataw labɔ ni kɔnɔnajɛya ye, ani a jira ko i bɛ i mago don i lamɛnbagaw la.

Miiri i lamɛnbagaw la. I kɛtɔ k’i labɛn, gɛlɛya minnu bɛ i lamɛnbagaw kan, miiri koɲuman olu la. A ɲini ka i yɛrɛ bila u nɔ na.
I ka kuma fɔtaw sugandi koɲuman. A ɲini ka barika don ko kura i lamɛnbagaw la, ka u dusu saalo ani ka fanga di u ma. Nafa tɛ kuma minnu na, ni olu bɛ se ka digi mɔgɔw la, i yɛrɛ tanga olu fɔli ma ani mɔgɔ minnu dalen tɛ Jehova la, kana kuma bɛnbali fɔ olu ma walima ka u ka dannayakow lagosi.
A jira ko i bɛ i mago don u la. Ni kumacogo ɲuman ani bolo lamaga cogo bɛnnenw ye, a jira i lamɛnbagaw la ko i bɛ i mago don u la tiɲɛ na. I janto i ɲɛda kɛcogo la ani to ka yɛlɛmisɛnninw kɛ tuma ni tuma.

I kɛtɔ ka i dusukunnataw labɔ, kana o jagoya kɛ walima ka o dama tɛmɛn. I kɛtɔ ka kalanjɛ kɛ, dusukunnata minnu ka kan ka jira ka kɛɲɛ ni o tɛmɛsira ye, olu jira, nka kana mɔgɔw hakili sama ka na i yɛrɛ kan kojugu. A ɲini ka kuma ni ɲumanya ni kanuya ye.