KALANSEN 7

Kunnafoni dilenw ka kɛ tiɲɛ ye ani ka mɔgɔ lasɔn

Luka 1:3

BAKURUBAFƆLI: Baara kɛ ni dalilu jɔnjɔnw ye walasa kow tiɲɛ ye min ye, i lamɛnbagaw ka se ka o faamu koɲuman u yɛrɛ ma.

Dalilu jɔnjɔnw ɲini ani ka baara kɛ ni u ye. I ka ɲɛfɔliw sinsin Ala ka Kuma kan, tuma o tuma n’a bɛ se ka kɛ tɛmɛsiraw kalan Bibulu kɔnɔ. Ni i bɛ ka kuma sciensi ko dɔ kan, zurunali dɔ kunnafoniw kan, ko kɛlen dɔ, walima dalilu wɛrɛ min bɛ i ka barokun kɔkɔrɔdon, a sɛgɛsɛgɛ fɔlɔ n’a y’a sɔrɔ i ka daliluw ye lɛgɛsɛ ye ani ko yɛlɛmali ma don o kow la.
Baara kɛ ni daliluw ye cogo bɛnnen na. Tɛmɛsiraw ɲɛfɔ ka kɛɲɛ ni u hukumu, Bibulu cikan ani “jɔnkɛ dannamɔgɔ hakiliman” ka gafe bɔlenw ye. (Matiyu 24:45) Dalilu minnu sinsinnen tɛ Bibulu kan baara kɛ ni olu ye cogo bɛnnen na, i kana u kɔrɔ yɛrɛyɛrɛ yɛlɛma walima ka fɛn fɔ min ni u sɛbɛnbaga ta tɛ kelen ye.

Kana a kɛ i n’a fɔ ko, ko kɛlenw bɛ waleya kow bɛɛ la walima ka u dama tɛmɛn. Hakɛ minnu fɔra fɛnw kan, kana olu fana dama tɛmɛn. N’a fɔra ko “mɔgɔ dɔw” i jija i kana o yɛlɛma ka kɛ “mɔgɔ fanba” ye, ka “tuma dɔw la” kɛ “tuma bɛɛ” ye walima ka “a bɛ se ka kɛ” bila “a ka c’a la” nɔ na.
Hakilijagabɔ kɛ ni i lamɛnbagaw ye daliluw kan. I kɛlen kɔ ka tɛmɛsira dɔ kalan walima ka dalilu dɔ kofɔ, ɲininkaliw kɛ ni fɛɛrɛ ye walima aw bɛ ka kuma yɔrɔ min kan, misali di o kan walasa ka i lamɛnbagaw dɛmɛ u ka se ka o kow faamu u yɛrɛ ma.