Baara kɛ ni ɲininkaliw ye

Matiyu 16:13-16

BAKURUBAFƆLI: Ɲininkaliw kɛ ni fɛɛrɛ ye walasa ka baro nege don mɔgɔw la, ka a nege to u la, ka hakilijagabɔ kɛ ni i lamɛnbagaw ye, ani ka i sinsin yɔrɔ kolomaw kan.

I BƐ SE KA O KƐ COGO MIN NA:

• Baro nege don mɔgɔw la ani ka a nege to u la. Ɲininkaliw kɛ minnu bɛ mɔgɔw bila u ka u hakili jagabɔ ani ka u bila u k’a ɲini ka o ɲininkaliw jaabiw dɔn.

• Hakilijagabɔ kɛ barokun kan. I lamɛnbagaw lasɔn i kɛtɔ ka baara kɛ ni ɲininkaliw ye minnu b’a to i ka se ka i ka barokun yɔrɔ koloma labɔ ka jɛya.

• I sinsin yɔrɔ kolomaw kan. Ɲininkali kɛ min bɛ mɔgɔ bila ka miiri kosɛbɛ walasa ka hakilina koloma dɔ labɔ. Baara kɛ ni seginnkanni ɲininkaliw ye i kɛlen kɔ ka baro kɛ yɔrɔ nafama kan walima ni i bɛna i ka baro kuncɛ.