TILAYƆRƆ 7

Aw bɛ se ka aw den lamɔ cogo jumɛn na?

“Ne bɛ kuma minnu fɔ i ye bi, olu ka to i dusukun na. I ka i jija ka i denw kalan u la.”—Dutɛrɔnɔmɛ 6:6, 7

Tuma min na Jehova ye denbaya dilan, a ye denw ladonni di bangebagaw de ma. (Kolosekaw 3:20) Aw minnu ye bangebagaw ye aw jɔyɔrɔ de ye ka Jehova kanuya don aw den na ani k’a kɛ don dɔ mɔgɔkɔrɔba ɲuman ye. (2 Timote 1:5; 3:15) Aw ka kan fana k’a ɲini k’a dɔn fɛn min bɛ i denkɛ walima i denmuso dusukun na. Wa, i yɛrɛ bɛ misaliya min di o nafa ka bon kosɛbɛ. Aw bɛ se ka aw den kalan ka ɲɛ Jehova ka kuma la ni o y’a sɔrɔ aw yɛrɛ ye o don aw dusukun na fɔlɔ.—Zaburu 40:9

1 KUMAƝƆGƆNYA NƆGƆYA I N’I DENW CƐ

BIBULU BƐ NIN DE FƆ: ‘Lamɛnni kɛ joona, nka kana kuma joona.’ (Yakuba 1:19) A ka di aw ye aw denw k’a dɔn ko u bɛ se ka kuma aw fɛ u hakililatigɛlen. U ka kan k’a dɔn ko aw labɛnnen don k’u lamɛn ni u mago bɛ a la ka kuma aw fɛ waati min na. Kow kɛcogoya nɔgɔya, walasa aw denw k’a ye k’u bɛ se ka kuma aw fɛ ni hakililatigɛ ye. (Yakuba 3:18) Ni u y’a ye ko aw ka ko ka gɛlɛn walima ko aw bɛ kiri bɔ u la, o bɛ se ka kɛ sababu ye u tɛ da aw la ka u kɔnɔ jɛya aw ye. Aw y’aw muɲu aw denw kɔrɔ ani aw y’aw ka kanuya jira u la tuma bɛɛ—Matiyu 3:17; 1 Kɔrɛntekaw 8:1.

I BƐ SE KA MIN KƐ:

N’i denw mago bɛ ka kuma waati min na, kɛ yen k’u lamɛn
Kumaɲɔgɔnya ka kɛ aw n’aw denw cɛ tuma bɛɛ, k’a sɔrɔ a ma kɛ gɛlɛyaw waati dɔrɔn kɔnɔ

2 A ƝINI K’U KƆNƆ KOW FAAMU TIƝƐ YƐRƐ LA

BIBULU BƐ NIN DE FƆ: “Mɔgɔ min sabalilen bɛ kuma lamɛn, o na hɛrɛ sɔrɔ”. (Ntalenw 16:20) Tuma dɔw la, walasa k’aw denw kɔnɔkow faamu tiɲɛ yɛrɛ la aw mankan ka dan u ka kuma fɔta dɔrɔn ma. Ka kow dama tɛmɛ o ka ca denmisɛnnin kunda walima u bɛ fɛnw fɔ u tɛ minnu kɔrɔ dɔn. “Mɔgɔ min bɛ jaabili kɛ sani a ka lamɛnni kɛ, o ye hakilintan ye”. (Ntalenw 18:13) Kana dimi joona.—Ntalenw 19:11.

Denba dɔ bɛ a denmuso ka fɔta kɛ koba ye

I BƐ SE KA MIN KƐ:

Aw den mana fɛn o fɛn fɔ aw ye, aw kana u ka kuma tigɛ walima k’o lajuguya
Ka e to u si hakɛ la, i tun bɛ cogoya min na ani fɛn min nafa tun ka bon i bolo i hakili jigin olu la

3 AW YE BƐN KELEN KAN

BIBULU BƐ NIN DE FƆ :“Ne denkɛ, i ka i fa ka kalan lamɛn, i kana ban i ba ka laadili ma”. (Ntalenw 1:8) Jehova ye denw bila fa ni ba de ka mara kɔnɔ. Aw ka kan ka aw den kalan aw kanminɛli ani aw bonyali la. (Efesekaw 6:1-3) Ni bangebaw “kɔnɔ tɛ kelen ye” denw bɛ se k’o dɔn. (1 Kɔrɛntekaw 1:10) Ni aw bɛnnen tɛ kow kan, aw kana to denw k’o dɔn aw la, ka d’a kan o bɛ se ka dɔ bɔ u ka bonya la ka ɲɛsin aw ma aw minnu ye u bangebagaw ye.

Denfa dɔ bɛ k’a den dɔ kolo kɛrɛ fɛ o b’a sɔrɔ den balimakɛ ni a ba bɛ so wɛrɛ kɔnɔ

I BƐ SE KA MIN KƐ:

Aw bɛ se ka aw denw kɔlɔ cogoya min na, aw ye kuma ka bɛn o kan
Ni aw hakilina tɛ kelen ye denw lamɔcogo kan, a ɲini ka i furuɲɔgɔn hakilinata faamu

4 FƐƐRƐ TIGƐLEN KA KƐ AW BOLO

BIBULU BƐ NIN DE FƆ “Denmisɛn ka kan ka sira min taama, i ka a kalan o la”. (Ntalenw 22:6) Aw denw lamɔkoɲuman, o tɛ kɛ ten gansan. Fɛɛrɛ tigɛlen ka kan ka kɛ aw bolo aw den lamɔcogo kan, ani a kɔlɔli sen ka don o la. (Zaburu 127:4; Ntalenw 29:17) Ka aw denw kɔlɔ o tɛ ɲangili dɔrɔn ye, nka i bɛ sariya minnu fɔ u ye u dɛmɛ ka olu faamu ani ka olu kun dɔn. (Ntalenw 28:7) U kalan fana walasa u ka kɛ Jehova ka kuma fɛ ani k’a ka sariyakolow faamu. (Zaburu 1:2) O bɛna u dɛmɛ ka dusukun jɛlen sɔrɔ.—Heburuw 5:14.

I BƐ SE KA MIN KƐ:

Aw ye d’a la k’a fɔ ko aw denw ɲɛ bɛ Ala la i n’a fɔ mɔgɔ yɛrɛ u bɛ se ka da min na
U dɛmɛ walasa u ka se k’a dɔn hakilina juguw ye min ye ani u ka se k’u yɛrɛ tanga o ma, i n’a fɔ hakilina minnu bɛ sɔrɔ intɛrinɛti kan. U kalan u bɛ se cogo min na ka u yɛrɛ tanga mɔgɔ ma minnu b’a fɛ ka bin u kan cɛnimusoya sira la

Den dɔ masaw bɛ k’a dege a ka baara kɛ Jehova ye kabini a fitinin fo ka se a ka batɛmu ma — “Denminsɛn ka kan ka sira min taama, i ka a kalan o la”