TILAYƆRƆ 2

Aw bɛɛ ka tilen ɲɔgɔn ye

“Ala ye min kɛ kelen ye, mɔgɔ si kana o fara.”—Marka 10:9

Jehova b’a fɛ an ‘ka tilennenya kow kɛ.’ (Mise 6:8) O nafa ka bon kosɛbɛ kɛrɛkɛrɛnnenyala aw ka furu kɔnɔ, ka d’a kan ni tilennenya tɛ aw ni ɲɔgɔn cɛ dannaya fana tɛ kɛ aw ni ɲɔgɔn cɛ. Dannaya dun ye fɛn ye min nafa ka bon kosɛbɛ walasa kanuya ka yiriwa aw ni ɲɔgɔn cɛ.

Bi bi in na ka tilennenya sɔrɔ furu kɔnɔ o gɛlɛyara. Walasa k’aw ka furu lakana aw ka kan ka fɛn fila de kɛ.

1 A’YE AW KA FURU KƐ FƐN NAFAMA FƆLƆ DƆ YE

BIBULU BƐ NIN DE FƆ: “Aw ka se ka ko ɲumanw faranfasi.” (Filipekaw 1:10) Aw ka ɲɛnamaya kɔnɔ, aw ka furu ye aw ka fɛn nafamaba dɔ la kelen de ye. A ka kan ka kɛ aw ka fɛn nafama fɔlɔ dɔ ye.

Jehova b’a fɛ i k’i ka kow bɛn i fruruɲɔgɔn ma ani i ka “i ɲɛnajɛ ni i diyaɲe muso ye ka i ɲɛnama to.” (Waajulikɛla 9:9) O la a jɛlen don ko i mankan ka i furuɲɔgɔn kɛ bolokɔfɛ fɛn ye abada, o cogo la aw fila bɛɛ ka kan ka fɛrɛw ɲini minnu b’a to aw bɛ kɛ hɛrɛ la. (1 Kɔrɛntekaw 10:24) Cogo bɛɛ kɛ walasa i furuɲɔgɔn k’a dɔn ko nafa b’a la ani ko a ko ka di i ye.

Cɛ dɔ bɛ ka min fɛn kalama di a muso ma; cɛ dɔ nana so k’a sɔrɔ a muso bɛ tobili la

I BƐ SE KA MIN KƐ:

I ni i furuɲɔgɔn ka kan ka waati caman kɛ ɲɔgɔn fɛ, i ka kan k’i hakili to i furuɲɔgɔn na kosɛbɛ.
An kana miiri an “yɛrɛbakun” na nka an ka miiri “ɲɔgɔn” na

Cɛ dɔ ni a muso bɛ ka waati ta ɲɔgɔn fɛ pikiniki la

2 I DUSUKUN KƆLƆSI

BIBULU BƐ NIN DE FƆ: “Mɔgɔ o mɔgɔ bɛ muso filɛ ka ɲɛbɔ a fɛ, o tigi ye jatɔya kɛ a fɛ a dusukun na ka ban.” (Matiyu 5:28) Ni a y’a sɔrɔ mɔgɔ dɔ bɛ miiri jogo juguya kow la, a ka ca a la o tigi bɛna tilenbaliya ko kɛ k’a ɲɛsin a furuɲɔgɔn ma.

Jehova b’a fɔ ko i mago bɛ ka “i dusukun kɔlɔsi”. (Ntalenw 4:23; Jeremi 17:9) Walasa ka se ka o kɛ, i ka kan ka i kɔlɔsi i ka ko filɛ taw la. (Matiyu 5:29, 30) Tugu Job ka misaliya kɔ, o min ye a layidu ta a ɲɛw ye k’a tɛna muso wɛrɛ lajɛ fo k’a nɛgɛ minɛ. (Job 31:1) Kana sɔn abada ka pornografi lajɛ. A latigɛ i dusukun na ko k’a bɔ i furuɲɔgɔn la, i tɛna jɛɲɔgɔnya don i ni mɔgɔ wɛrɛ cɛ min bɛ se ka taa kanuya sira fɛ.

Cɛ dɔ muso foto b’a ka buro kan a ka baara yɔrɔ la

I BƐ SE KA MIN KƐ:

A jira mɔgɔ bɛɛ la k’a jɛya ko i ye i kan dili min kɛ i furuɲɔgɔn ma i bɛ o la ni i yɛrɛkun bɛɛ ye
I furuɲɔgɔn dusukunnataw jate, o la jɛɲɔgɔnya o jɛɲɔgɔnya min bɛ se k’a dusu tiɲɛ o dabila