YƆRƆ 5

Nuhun ka waati la, jɔni ye Ala lamɛn ani jɔni m’a lamɛn?

Nuhun ka waati la, mɔgɔ fanba tun bɛ kojugu kɛ. Jenɛse 6:5

Mɛlɛkɛ juguw bɛ ka u sawura bila walasa ka musow furu

Hadama ni Hawa ye denw sɔrɔ, o kosɔn mɔgɔw cayara dugukolo kan. Kɔ fɛ, mɛlɛkɛ dɔw tugura Sitanɛ kɔ a ka murutili la.

U nana dugukolo kan ka hadamaden farikolo ta, walisa ka musow furu. O musow ye denkɛ kabakomaaw bange. O denw tun ni ka jugu kosɛbɛ, wa u kɔgɔlenba tun don.

Muso dɔ bɛ k’a den lakana bawo cɛnin dɔ b’a fɛ ka a bugɔ; Nefilimuw, mɛlɛkɛ jugu minnu denw tun ni ka jugu

Dugukolo fara mɔgɔw la minnu tun bɛ kojugu kɛ. Bibulu b’a fɔ ko: “Mɔgɔw kɔnɔna juguya tun ka bon dugukolo kan, ko u kɔnɔ miirili si tun tɛ foyi ye ko jugu dama kɔ, don o don”.

Nuhun ye Ala lamɛn, ka kurunba dilan. Jenɛse 6:13, 14, 18, 19, 22

Nuhun tun ye mɔgɔ ɲuman ye. Jehova y’a fɔ Nuhun ye ko a bɛna mɔgɔ juguw halaki ni sanjiba ye.

Ala y’a fɔ Nuhun ye fana ko a ka kurunba dɔ dilan. Ko ale ni a ka denbaya, ani dantanfɛn sifaya caman ka don o kɔnɔ.

Nuhun ye mɔgɔw lasɔmi sanjiba nali ko la nka u ye u ɲagaribɔ a la

Nuhun ye mɔgɔw lasɔmi sanjiba nali ko la, nka olu m’a lamɛn. Dɔw yɛlɛla Nuhun na, dɔw fana y’a kɔniya.

Nuhun ni a ka denbaya ye baganw fara ɲɔgɔn kan kurunba kɔnɔ

Kurunba dilanni bana tuma min na, Nuhun ye dantanfɛnw ladon a kɔnɔ.