U ye Sitanɛ lamɛn: O kɔ kɛra mun ye?

Hadama ni Hawa ma Ala kan minɛ, o kosɔn u sara. Jenɛse 3:6, 23

Hawa ye sa lamɛn ka jiriden dun. O kɔ fɛ, a ye o dɔ di Hadama ma, o fana y’a dun.

U ye min kɛ, o man ɲi. Jurumu don. Ala ye u labɔ Alijinɛ kɔnɔ, o min tun ye u ka so ye.

Ɲɛnamaya gɛlɛyara olu ni u denw ma. U kɔrɔla ka sa. U ma taa yɔrɔ si. U ka ɲɛnamaya banna.

Mɔgɔ salenw tɛ foyi kala ma, u bɛ i ko buguri. Jenɛse 3:19

An bɛ sa k’a masɔrɔ an bɛɛ bɔra Hadama ni Hawa la. Mɔgɔ salenw tɛ se ka yeli kɛ, ka mɛnni kɛ walima ka fɛn wɛrɛ kɛ.—Waajulikɛla 9:5, 10.

Jehova ŋaniya tun tɛ ko mɔgɔw ka sa. Sɔɔni a bɛna mɔgɔ salenw lakunun. Ni u y’a lamɛn, u na ɲɛnamaya banbali sɔrɔ.