Yali Ala b’a jan to an na wa?

BI DIƝƐ falen don kunkow la. Kɛlɛw, kasaarabaw, bana, faantanya, yuruguyurugu ani kojugu wɛrɛw bɛ mɔgɔ caman tɔɔrɔ. A bɛ se ka kɛ don o don, e fana bɛ hami ko dɔw la. Jɔni bɛ se ka an dɛmɛ, n’o bɛ miiri an na?

Siga t’a la, Ala de b’a jan to an na. A y’a fɔ a ka Kuma kɔnɔ ko: “Den sinminna, ba bɛ se ka ɲinɛ a kɔ wa? A tɛna hinɛ a woloden na wa? Hali ni a ɲinɛna a kɔ, ne kɔni tɛna ɲinɛ i kɔ”a

O dɔnni tɛ mɔgɔ dusu saalo wa? Kanuyaba min bɛ denba la ka ɲɛsin a ka sinminnden ma, Ala ka kanuya ka bon n’o ye kosɛbɛ. A tɛna ɲinɛ an kɔ abada! Tiɲɛ na, a y’an dɛmɛ cogo ɲumanba dɔ la kaban. O ye cogo jumɛn ye? O ye k’a jira an na ko limaniya lakika de ye ɲɛnamaya hɛrɛ gundo ye.

Limaniya jɔnjɔn bɛ hɛrɛ lase i ma. O limaniya sugu bɛ i tanga kunko caman ma, a bɛ i dɛmɛ fana ka kunkow ɲɛnabɔ, i tɛ se ka minnu bali ka na. A bɛ i lagɛrɛ Ala la, ka i hakili sigi, ka i dusu saalo. Ka fara o kan, limaniya lakika b’a to i bɛ siniɲɛsigi ɲuman sɔrɔ, o ye ɲɛnamaya banbali ye Alijinɛ kɔnɔ.

Nka, limaniya lakika ye mun ye? E ka kan ka mun kɛ walisa o limaniya sugu ka kɛ i la?