INỌTA NE AVBE IGBAMA NỌ
Vbọzẹ Nọ Na Khẹke Ne I Gha Ta Ẹmwata?
Emwi nọ si ẹre ne emwa eso i na ta ẹmwata
Vbe agbọn ne ima ye na, emwa ni bun keghi roro ẹre wẹẹ, ẹmwata na ta i ghi mwẹ esa. Emwa eso sẹtin gha roro ẹre wẹẹ:
‘I ma na ta ohoghe ma evbibiẹ mwẹ, iran sẹtin rriọ mwẹ oya.’
‘I ma na fi ibeleku vbe edanmwẹ na, I sẹtin gbe okhuẹ re.’
‘I ma na do emwi na rhie, te I khian koko igho mwẹ ya dẹ ọre.’
Emwa eso sẹtin gha nọ wẹẹ: ‘A vbe miẹn ọmwa nẹi ta ohoghe ra?’
Ewanniẹn ọghe inọta na ọre ẹn. Emwa ni bun wa rrọọ, uhiẹn ya sẹ egbe avbe igbama ni wa yayi wẹẹ, ere rrọọ vbe a ghaa ta ẹmwata. E Baibol khare wẹẹ, “evba kọe, ẹre a rhọ.” (Galetia 6:7) Ọni nọ wẹẹ, emwi ne ọmwa rhirhi ru, nẹi mwẹ ere ẹ i rrọọ, ọ maan ra ẹ i maan.
Gi ima zẹ iro yan ohoghe ne emwa eso tae kevbe emwi nọ ghi kẹ ẹre ikian.
Sokpan, iyemwẹ wa rẹn wẹẹ, ohoghe ẹre I ghaa ta. Ọ ghi gba vbe igba eha ni ya ta ohoghe ma iyemwẹ, ohu na muẹn. Uzọla eva ẹre I ya rri oya yọ, ọni ma sẹ, I ma ghi vbe sẹtin gha loo efoni mwẹ ra ne I gha ghee ẹkpẹti ughe vbe ọwara uki ọkpa. Ke ẹghẹ nii gha dee, I ma ghi dọlegbe ta ohoghe ma evbibiẹ mwẹ!”—Anita.
Emwi nọ khẹke ne u mu roro: U ma ghee ẹre wẹẹ, ọ gha rhie ẹghẹ eso iyẹ Anita ke sẹtin werriegbe gba ẹko Anita ra?
Emwi ne Baibol khare: “Ugbẹnvbe a miẹn wẹẹ, wa mu uyinmwẹ erẹrẹ fua nẹ, te ọ khẹke ne dọmwadẹ ọghẹe vbe uwu uwa gha ta ẹmwata ma ogieva ẹre.”—Ẹfisọs 4:25.
Sokpan, ọ ghi rre ẹdẹ ọkpa, iran na we ni dọlegbe do ta emwi nọ sunu ma iran. Ọ na ba kua, I ma ghi yerre vbene I ka ya ta nene okha ma iran hẹ. Adeghẹ ẹmwata ẹre I wa ta vbe ẹghẹ okaro, I i ghẹ te gha do vbe unu!”—Anthony.
Emwi nọ khẹke ne u mu roro: De emwi ne Anthony gha te ru ne emwi ekhue vbenian ghẹ sunu daa ẹre?
Emwi ne Baibol khare: ‘E Jehova khuiwu avbe emwa ni ta ohoghe, sokpan, ẹmwẹ emwa ni mu ẹmwẹ ọnrẹn sẹ keghi yẹẹ ọre.’—Itan 12:22.
Ọ ghaa guan, ẹ i ta vbene emwi wa ya gele sunu. I hoẹmwẹ ọnrẹn, rhunmwuda ọni, I i mobọ gi ẹre mu mwẹ ohu. Sokpan, ọ lọghọ ni do ya ẹmwẹ ọnrẹn yi ra ne I gba ẹko ẹre.”—Yvonne.
Emwi nọ khẹke ne u mu roro: Rhunmwuda ne ọse Yvonne na gha fian ba ẹmwẹ kevbe nọ na gha ta ohoghe, vbọ ghi ya mu eni ẹnrẹn rhia hẹ?
Emwi ne Baibol khare: “Ne ima gha re emwa ẹmwata vbe emwi hia.”—Hibru 13:18.
Ekẹn na ya gbe ẹyotọ gha guọghọ, ọ sẹtin ya owa de; erriọ ẹre ọ vbe ye, u ghaa ta ohoghe, ọ sẹtin wa rria eni ruẹ rua
Ere nọ rrọọ vbe a ghaa ta ẹmwata
Gi ima zẹ iro yan ere ne emwa eso lae miẹn rhunmwuda ne iran na ta ẹmwata.
I na da tie ẹre, I na ghi rhie igho ẹre nẹẹn. Ọ na wa gha kpọnmwẹ mwẹ. Ọ na kha wẹẹ: ‘Ọmwa esi ẹre u wa khin. Egbe ọmwa vbe uwẹ ma kpọọ.’ Emwi nọ maan nọ, vbe a gha rẹn ọmwa ginna emwi esi!”—Vivian.
Emwi nọ khẹke ne u mu roro: Vbọzẹ nọ na kpa okhuo nii odin wẹẹ a ye miẹn ọmwa nọ ta ẹmwata? De ere ne Vivian miẹn, rhunmwuda nọ na ta ẹmwata?
Emwi ne Baibol khare: “Afiangbe ọre ọghe iran ni . . . ru emwi nọ gbae vbe ẹghẹ hia.”—Psalm 106:3.
Ma gha miẹn igho vberriọ, ma ghi rhie ẹre ye uhunmwu eteburu nọ dia kẹ. Te ohu khian ghi te gha mu okhuo ọkpa nọ winna vbe isiwinna nii—ọ na tama ima wẹẹ, ‘ọna i re igho agbọn nian!’ Sokpan ẹmwata nọ rrọọ ọre wẹẹ, te okhuo na wa gele gba ẹko ima.”—Julia.
Emwi nọ khẹke ne u mu roro: Rhunmwuda ne Julia na re ọmwa nọ ta ẹmwata, u ma yayi wẹẹ, ọ gha ru iyobọ nẹẹn adeghẹ ọ na kue gha gualọ iwinna ọvbehe ra?
Emwi ne Baibol khare: “Hia vbe odẹ ke odẹ ne u gha ru emwi nọ gha ya Osanobua rhan obọ miẹn ruẹ yi, zẹvbe ọmwa iwinna ne ekhue iwinna rẹn i muẹn.”—2 Timoti 2:15.
Ọ gha te maan gbe, ne I fẹko rhie igho nii fi ẹkpo, sokpan, ekhọe mwẹ ma sẹ mwẹ ya ru vberriọ. I na ghi tama ọmwa nọ gbaroghe aza igho emwi nọ sunu, ọ keghi wa kpọnmwẹ mwẹ yọ ẹsẹsẹmwẹse. Isiwinna nọkhua wa gha nọ, sokpan, I gha rhie igho nii, ọ ghi yevbe na miẹn wẹẹ te I do nene igho rhie.”—Bethany.
Emwi nọ khẹke ne u mu roro: Adeghẹ ọmwa na do emwi rhie vbe isiwinna ra ọ na do emwi rhie vbe obọ ọmwa, de nọ khọọ sẹ?
Emwi ne Baibol khare: ‘E Jehova khuiwu ọmwa nọ ru ero, sokpan, ọ mu iro ma emwa ẹmwata.’—Itan 3:32.