1 Samuẹl

2 E Hanna keghi na erhunmwu wẹẹ: “ E Jehova ya oghọghọ vuọn ekhọe mwẹ nẹ, ọyẹnmwẹ sẹ mwẹ ye emwi nọ ru! I giẹ iran ne eghian mwẹ nian, ọyẹnmwẹ sẹ mwẹ rhunmwuda, Osanobua yọ mwẹ obọ nẹ. 2 “Ọmwa nọhuanrẹn vbe na ghee Jehova i rrọọ, ọmwa nọ yevbe ọre i rrọọ, a i miẹn okuta nọ yevbe Osanobua mwa. 3 Dobọ owogho oghagha ruẹ yi, gi ẹmwẹ uhiomwẹ ruẹ gbẹdọọ, rhunmwuda, e Jehova, Osanobua nọ rẹn emwi nọ sunu nọ, ọ vbe bu ohiẹn emwi ne emwa ru hia. 4 A bunnọ uhanbọ ọghe ivbiyokuo ni wo, sokpan, nọ ma wegbe kegha wo yọ. 5 lran na koko ẹse la iyoha ba ẹmwẹ evbare, ohanmwẹ ma ghi gbe iran ne ohanmwẹ te gbe. Amwẹ ne agan biẹlẹ emọ ihinrọn, sokpan, a ma sẹ ọkpa rae ne nọ biẹlẹ enibun. 6 E Jehova ẹre ọ gbe, irẹn ẹre ọ vbe huẹn. Irẹn ẹre ọ gie emwa ye Idin, irẹn ẹre ọ vbe huẹn kpaegbe. 7 Ọ gha si eso kẹ otọ, ọ ghi tọn eso mu. 8 Ọ tọn iran nẹi mwẹ mu hin uwu usẹ ọghe iran rre. Ọ ya iran tota ke avbe ekhaẹmwẹ, ọ keghi viọ iran ye ukpo uyi. E Jehova ẹre ọ yan ẹyotọ agbọn na, uhunmwu iran ẹre ọ bọ agbọn yan. 9 Ọ degue iran ne emwa rẹn ni maan, sokpan, iran ne emwa dan keghi gu ebi ro. Ọmwa i sẹtin ya ẹtin obọ ẹre khọnmiotọ. 10 E Jehova gha fuẹn eghian rẹn, ọ gha van yan iran ke ẹrinmwi rre, ọ gha bu ohiẹn agbọn; ọ gha rhie ẹtin ne ọba ẹre, ọ gha rhie akhọnmiotọ ne ọba nọ hannọ zẹ.” 11 Ẹre Ẹlkana na werriegbe gha rrie Rama, sokpan, ọmokpia nii keghi tota vbe Siailo, ọ kegha ga e Jehova vbe ototọ Elai ne Ohẹn. 18 E Samuẹl ne ọmokpia nii, kegha ga e Jehova vbe Siailo, ọ ghi mu adaghọ eto ovbiohuẹ rhuan. 19 Ukpukpo ẹre iyẹe ya gha dẹlẹ ovbi ẹwu gie ẹre vbe ọ gha lele ọdafẹn ọnrẹn ya zọ ese vbe ukpukpo. 20 Ẹghẹ nii, Elai ghi fiangbe Ẹlkana kevbe ọvbokhan rẹn, ọ ghi khama Ẹlkana wẹẹ, “E Jehova nọ gi okhuo na biẹlẹ emọ ọvbehe nuẹn nọ rhie ihe ọnọna ne u ya fi ohan nẹẹn na.” Iyeke ọni, iran ghi werriegbe gha rrie owa. 21 E Jehova keghi fiangbe Hanna, ọ keghi biẹlẹ emọ ikpia eha ọvbehe kevbe emọ ikhuo eva ọvbehe. Ọmokpia nii ighẹ e Samuẹl keghi waan vbe uwu ugamwẹ e Jehova. 22 Elai keghi do khian ọmaẹn ẹsẹse, ọ keghi do gha họn uyinmwẹ ne ivbi ẹre yin ghee Ivbi lzrẹl, kevbe wẹ iran mu avbe ikhuo ni winna vbe onurho Owa Ukpọn yagha. 23 Irẹn keghi rhunmwuda ọni tama iran wẹẹ, “Vbọzẹ ne uwa na ru avbe emwi na yi? Emwa hia ẹre ọ wa na iyẹn emwi dan ne uwa ru hia ma mwẹ. 24 Wa gie ẹre sẹ evba, ivbi mwẹ. Emwi ne emwa e Jehova ta vbekpa uwa mu ohan gbe. 26 Ẹre ọmokpia nii ighẹ e Samuẹl na gha waan yọ, aro nọ maan ọghe Jehova kevbe emwa nagbọn, kegha rre ọre egbe. 30 Mẹ ne Jehova ne Osanobua ọghe Izrẹl ẹre ọ yan rẹn vbe ẹghẹ nọ gberra wẹẹ ẹwae ruẹ kevbe ẹgbẹe ruẹ, gha ga mwẹ zẹvbe ohẹn ẹdẹdẹmwẹdẹ, sokpan banbanna nian, I khare wẹẹ I i ghi mwẹ obọ vbọ sokpan, I gha daa ne iran ni daa mẹ, sokpan, iran ni zan mwẹ, I gha fa iran rua.