1 Samuẹl

10 Evẹn ọre I si ivbiyokuo Izrẹl re vbene I wa mudia ye emwa na nian.” Ọ ghi vbe dọlegbe rhie tẹ ẹre wẹẹ, “Wa danmwẹ ọnrẹn ghee ne uwa zẹ ọmwa rre nọ do gu mwẹ gbinna.” Ugbẹnvbe Sọl kevbe emwa rẹn ghi họn ẹmwẹ na, udu iran na kpan fi ẹko. 36 I gbe oduma kevbe akpakomiza rua, erriọ I khian vbe ru e Filistin nọ ma rhuẹ na, ọmwa nọ fa ivbiyokuo Osanobua nọ rrọọ rua. 37 E Devid keghi vbe kha wẹẹ, e Jehova nọ fan mwẹ vbe obọ oduma kevbe akpakomiza, gha vbe fan mwẹ vbe obọ e Filistin na.” E Sọl keghi kha wẹẹ, “Ọ maan kherriọ, gha khian, e Jehova gha yaba ruẹ.” 45 E Devid keghi wanniẹn wẹẹ, “Te uwẹ bu imẹ dee nian, ke uwẹ kevbe umozo, asoro kevbe ogala, sokpan, mẹ bu ruẹ dee vbe eni e Jehova ne Osa ọghe ivbiyokuo, ne ọre Osanobua ivbiyokuo Izrẹl, ne uwẹ faraa. 46 E Jehova gha rhie ruẹ yọ mwẹ obọ vbe ẹdẹnẹrẹ na, obọ mwẹ gha ke ukhunmwu nuẹn, I gha fian uhunmwu ruẹ fua, I ghi viọ ikun ivbiyokuo e Filistia ne avbe ahianmwẹ kevbe aranmwẹ ne iran gha re. Otagbọn hia ghi rẹn wẹẹ, Izrẹl mwẹ Osanobua. 47 Emwa hia ni rre mwa gha rẹn wẹẹ, ẹi re umozo ra asoro ẹre Jehvoa loo ya miẹn emwa fan. Irẹn ẹre ọ khọnmiotọ vbe okuo, te ọ khian viọ uwa hia ye ima obọ.” 48 Ovbi e Filistia nii kegha bu e Devid dee, ẹre Devid na zẹgiẹ rhulẹ ghee ehe ne ivbiyokuo e Filistin tẹn yi, nọ ya vba ẹre. 49 E Devid keghi fi obọ ye ẹkpo ẹre, ọ na rhie ikpokuta ladian, ọ na ya umọvọn fi ẹre gie Golaiat. Ọ na wa vba ẹre uharo, ọ na hae la ẹre uwu uhunmwu, e Golaiat keghi de mu aro rhu otọ. 50 Erriọ ẹre obọ e Devid ya ke ukhunmwu ne Golaiat, vbene umozo i na rrọọ, ọ na ya umọvọn kevbe ikpokuta gbe ẹre rua.