1 Samuẹl
12 E Samuẹl keghi khama ivbi Izrẹl wẹẹ, “I ru emwi ne uwa wẹẹ ne I ru nẹ, I ma ọba ne uwa nẹ, nọ gha khaevbisẹ yan uwa. 2 Nia, wa ghee ọba nọ khian gha su uwa khian. Nọ ne imẹ, I khian ọmaẹn nẹ, I vbe fu edẹ nẹ. Ivbi mwẹ vbe gu uwa rrọọ. Mẹ ẹre ọ ghaa re ọkaolotu ọghe uwa ke ẹghẹ ọvbokhan kpa do fi ebanban. 3 Ghee mwẹ vbe emwa na. Adeghẹ I ru aghẹru, wa gu mwẹ gui ẹre nian vbe odaro e Jehova kevbe ọba nọ zẹe. I miẹn ọmwaikọmwa ẹmila ra ekẹtẹkẹtẹ ra? Ọmwa ne I mu ru, ra ne I ye obọ yẹn ọnrẹn ẹho rrọọ ra? De ọmwa ne I rhie okodẹ vbe obọ ẹre? Adeghẹ I ru emwi vbenian, I gha ha emwi ne I rhiere werriegbe.” 4 Emwa nii keghi wanniẹn wẹẹ, “U ma mu ima ru, u ma ya obọ yẹn ima ẹho, u ma vbe gbe ima miẹn ima emwi ke emwi.” 5 E Samuẹl keghi wanniẹn wẹẹ, “E Jehova kevbe ọba ne irẹn zẹe ọrọre osẹe mwẹ vbe ehe ne uwa ye wẹẹ, uwa ma miẹn emwi ka yọ mwẹ owẹ hiehie.” Iran keghi wanniẹn wẹẹ, “E Jehova ọrọre osẹe ghee ima.” 6 E Samuẹl keghi rhie tẹ wẹẹ, “ E Jehova nọ zẹ e Mosis kevbe Erọn, kevbe nọ viọ avbe erha uwa odede ke otọ ọghe Igipt ladian, ọre osẹe ghee ima. 7 Banbanna nian, wa mudia ye ehe ne uwa ye, ne l gu uwa gui ma e Jehova, vbekpa ne I gha na ye uwa rre, iwinna nikhua ne Jehova winnaẹn ya miẹn uwa kevbe avbe erha uwa odede fan. 8 E Jekọb vbe emwa rẹn ghi kpao gha rrie Igipt, avbe ivbi Igipt kegha zẹ iran kpokpo, avbe erha uwa odede keghi tu tie Jehova nọ do yi iran obọ, irẹn keghi gie Mosis kevbe Erọn ni viọ iran ladian vbe lgipt, iran na gbe iran ẹkun sẹ otọ vbe otọ na. 9 Sokpan, iran keghi mianmian e Jehova ne Osanobua iran, irẹn keghi gie Sisera ne ọkaokuo ivbiyokuo ọghe ẹvbo na tie ẹre Hazọ, ivbi e Filistia kevbe ọba ọghe Moab gu iran gbinna kevbe nọ khọn iran muotọ. 10 Iran keghi dọlegbe tu tie Jehova nọ yi iran obọ, iran na wẹẹ, ‘Ma rukhọ nẹ, rhunmwuda, ma fi iyeke gbe uwẹ, ma na ya gha ga e Bel kevbe Astorẹt. Miẹn ima fan hin obọ eghian ọghe ima rre, ne ima mieke gha ga ruẹ!’ 11 E Jehova keghi gie Jerubal, e Bedan, e Jẹfta kevbe Samuẹl, iran na miẹn uwa fan vbe obọ avbe eghian ọghe uwa rre, uwa na do gha rrọọ vbe uwu ọfunmwegbe. 21 Wa ghẹ ya gha gho ẹbọ ohoghe, iran i khian sẹtin yi uwa obọ, amawẹ te iran khian miẹn uwa fan, rhunmwuda, emwi ababa iran khin.