1 Samuẹl

5 Ẹghẹ na, e Sọl wa ke ugbo dee, kẹ kevbe avbe ẹkhuia ẹmila ẹre, ọ keghi nọ wẹẹ, “De emwi nọ sunu yi? Vbọzẹ ne emwa hia na viẹ yi?” Iran keghi tama rẹn emwi ne ikpia ọghe Jabes khare. 6 E Sọl ghi họn ẹmwẹ na, orhiọn Osanobua na hin yan rẹn, ohu nọkhua keghi muẹn. 7 Ọ na munọ ẹkhuia ẹmila eva, ọ keghi giagia iran ukhiọnmwẹ ukhiọnmwẹ, ọ na viọ ne emwa viọ la otọ Izrẹl hia, ne iran vbe gha kha wẹẹ, “Ọmwa ke ọmwa nọ ma lele Sọl kevbe Samuẹl ye okuo, vbenian ẹre a khian ru ẹmila ọghẹe!” Ohan emwi ne Jehova gha ru kegha mu ivbi Izrẹl, ehia keghi wa vẹ ladian vbene ọkpa ma na vbe kẹ vbọ. 12 Ẹre ivbi Izrẹl na tama e Samuẹl wẹẹ, “De emwa ni khare wẹẹ, ‘E Sọl ẹre ọ khian ghi rri ọba ya ima ra?’ Wa viọ iran gi ima, ne ima gbele iran rua.” 13 Sokpan, e Sọl keghi kha wẹẹ, “Ai gbe ọmwa rhọkpa rua vbe ẹrẹna rhunmwuda, ẹdẹnẹrẹ ẹre Jehova miẹn lzrẹl fan.”