Itan

4 Ivbi mwẹ, wa gha danmwehọ emwi ne erha uwa ma uwa ẹre. Gbehọkotọ, u gha vbe gha mwẹ irẹnmwi. 2 Emwi ne I ma uwa re wa maan, rhunmwuda ọni, wa ghi ye iran hia rre. 3 Ẹghẹ ne I na gha re ọvbokhan kherhe, ọmọ nọ ghaa họn ẹmwẹ ne erhae ẹre I ghaa khin, te iye mwẹ wa vbe kakabọ hoẹmwẹ mwẹ. 4 Erha mwẹ gha ma mwẹ emwi, ọ ghi kha wẹẹ, “Ye ẹmwẹ ne I tae rre, ghẹ mianmiaẹn. Gha ru vbene I tama ruẹ, u gha dia agbọn ya. 5 Gha mwẹ ẹwaẹn kevbe a ghee umian emwi! Ghẹ mianmian, ra ne u fi iyeke gbe ẹmwẹ ne I tae. 6 Ghẹ he ẹwaẹn yotọ, ọ gha vbe degue ruẹ, gha hoẹmwẹ ọnrẹn, ọ gha wan ẹbe yo nuẹn. 7 Na gha mwẹ ẹwaẹn ọre emwi kpataki nọ sẹre, rhunmwuda ọni, gha mwẹ ẹwaẹn, emwi ọvbehe ne u gha rhie ba emwi hia nọ khẹke ne u gha mwẹ, ọre a rẹn otọ emwi. 8 Gha ya aro nọ ghaan ghee ẹre, ọ gha vbe ya uwẹ khian ọmwa nọ kpọlọ. Ya obọ gbae ginna egbe, ọ gha vbe rhie uyi gu ruẹ. 9 Ọ gha vbe gha re ẹde uyi ruẹ.” 10 Danmwehọ mwẹ ovbi mwe. Ẹmwẹ ne I tama ruẹn, gha ka ẹre ye uhunmwu emwi kpataki, u gha vbe tọ ẹsẹse. 11 I ma ruẹ ẹwaẹn nẹ, deba vbene ọ kere na gha yin hẹ. 12 Idobo rhọkpa i khian vbe gha rre uwẹ odẹ, adeghẹ u ya ẹwaẹn khian, adeghẹ u vbe rhulẹ, u i khian rrua owẹ. 13 Gha ye emwi ne u ruẹ re hia rre. Emwi ne u ruẹ re ọre ẹdagbọn ruẹ, daeyi ẹse. 14 Ghẹ yo ehe ne avbe emwa dan ye. Ghẹ ya egbe taa emwa dan. 15 Ghẹ danmwẹ ọnrẹn. Lẹẹ ne emwi dan! Fieghe uhunmwu yọ ne u lele odẹ ruẹ gha khian. 16 Emwa dan i miẹn ovbe vbiẹ, vbe ẹ i re te iran ru emwi eso nọ ma gba nẹ. Iran ghi rhan aro rua ye ukpo, vbe ẹ i re wẹẹ, te iran ghi kuan emwa eso nẹ. 17 Uyinmwẹ dan kevbe ọkhọ, te iran yevbe evbare kevbe amẹ ne iran. 18 Odẹ ne ọmwa esi la khian, te ọ yevbe ovẹn nọ da yan rre, uwanmwẹ ọnrẹn ghi gha mu otọ yọ, rhinrin ya sẹ ẹghẹ ogiavan. 23 Nọ ghi sẹ ehia vbe uwu emwi hia fẹẹrẹ nọ khẹke ne u gbogba ga ọre ekhọe ruẹ, rhunmwuda, ekhọe ruẹ ọre ẹzi ọghe arrọọ. 24 Ghẹ gha ta ohoghe, gban egbe ne avbe ẹmwẹ nọ ye ọmwa bibi odẹ. 25 Gi aro ruẹ wa gha ghee odaro, Wa rhie aro tua odaro. 26 Kakabọ gha gbarokotọ mwamwa emwi ne u khian ru, ẹghẹ nii, emwi ne u ru hia gha dunna. 27 Ghẹ gberra ghee oberhọmwa ra obiyọmwa. Gha lẹẹ ne emwi dan.