Itan

3 Ovbi mwẹ, ghẹ mianmian emwi ne I ma ruẹ re. Gha ye emwi ne I tama ruẹ ne u gha ru rre vbe ẹghẹ hia. 2 Emwi ne I ma ruẹ re gha rhie utọmwẹ nuẹn, ọ ghi vbe ya agbọn maan ruẹ. 3 Ghẹ gi ahoẹmwọmwa nẹi beghe kevbe a gba ẹko ọmwa sẹ ruẹ rae. Viọ iran kinnọ urhu, gbẹnnẹ iran ye ekhọe ruẹ. 4 U gha ru vbenian, u gha miẹn aro nọ maan kevbe ẹwaẹn na ya rẹn otọ emwi vbe obọ Osanobua kevbe emwa nagbọn. 5 Ya ekhọe ruẹ hia mu ẹtin yan e Jehova. Ghẹ mu ẹtin yan emwi ne uwẹ roro ighẹ uwẹ rẹnrẹn. 6 Gha ye ẹre rre vbe emwi ne u ru hia, ọ gha vbe gha ma ruẹ odẹ nọ kere. 7 Ghẹ gi ekhọe ruẹ gha gu ruẹ zẹ iro wẹẹ u waan sẹ vbene u ye; emwi ọkpa wa nọ wẹẹ, ne u gha họn ẹmwẹ ne Jehova, ne u vbe gha biegbe hin abakuru rre. 8 U gha ru vberriọ, te ọ khian yevbe ukhunmwu esiesi, ọ gha kpe ẹwẹn ruẹ rrie, ọ ghi vbe ya egbe rọkhọ ruẹ. 9 Ya ọghọ ne Jehova vbekpa ne u gha na ya avbe emwi nọ maan sẹ vbe ugbo ruẹ zẹ ọhẹ gie ẹre. 10 U gha ru ẹre vberriọ, avbe erru ruẹ gha vuọn ne emwiokọ, ayọn gha vbe bun sẹrriọ wẹẹ, u i sẹtin ruẹn ọnrẹn ye emwi fo. 11 Ovbi mwẹ, e Jehova gha dia ruẹ, kakabọ danmwehọ, u ghi vbe rhie ẹre zẹvbe ẹmwẹ na tama ọmwa yotọ. 12 Emwa ne Jehova hoẹmwẹ ọnrẹn ẹre ọ dia ye odẹ, zẹvbe ne erha dia ọmọ nọ ya hio ye odẹ. 13 Afiangbe nọ ne ọmwa nọ ghi do khian nọ wan, nọ ghi do gha mwẹ irẹnmwi. 14 Ere nọ rrọọ sẹ ọghe esiliva, ive nọ rrọọ sẹ ọghe igoru ne uwẹ. 15 Ẹwaẹn ghan sẹẹ avbe ikpẹrọnmwọ, ai miẹn emwi na ya gie ẹre vbe uwu emwi ne ọmwa hoo hia. 16 Ẹwaẹn ẹre ọ rhie utọmwẹ ne ọmwa, kevbe ẹfe, kevbe ọghọ. 17 Ẹwaẹn gha sẹtin ya ẹdagbọn ruẹ khian nọ rhiẹnrhiẹn, ọ ghi vbe suẹ la ẹre foo. 18 Ọyẹnmwẹ sẹ iran ni khian emwa ni wan, ẹwaẹn gha rhie arrọọ ne iran. 21 Ovbi mwẹ, da ẹwaẹn ruẹ yi, ne u vbe gha roro emwi ẹse. Ghẹ gi iran wii ruẹ. 22 Iran gha rhie arrọọ nuẹn, arrọọ nọ vuọn ne oghọghọ kevbe ọyẹnmwẹ. 23 U gha sẹtin lele odẹ ruẹ gha khian, vbene u i na vbe rrua owẹ. 25 U i ra vbe fian afianma ye ẹmwẹ ọkhọ udemwurri, egbe nọ hẹ rhu emwa dan zẹvbe okpe ẹhoho. 27 Ẹghẹ ne u rhirhi ya sẹtin, hia ne u gha ru emwi esi ne ọmwa nọ khẹke. 32 Rhunmwuda, e Jehova khuiwu ọmwa nọ ru ero, sokpan, ọ mu iro ma emwa ẹmwata.