Itan
30 Ẹmwẹ Agọr ne ovbi Jakẹ ẹre na khin, ọna ọre ẹmwẹ nọ tama Itiẹl, Itiẹl kevbe Yukal. 2 Aranmwẹ oha ẹre I ghi khọ sẹ ọmwa nagbọn. Ẹwaẹn nọ kere nọ gha gu emwa nagbọn i ghi gue mwẹ. 3 I ma he ruẹ emwi ẹwaẹn ẹdẹ, I ma vbe rẹn emwi rhọkpa hiehie vbekpa Osanobua. 4 De ọmwa nọ he yo ẹrinmwi ẹdẹ, nọ vbe dọlegbe gha die agbọn? De ọmwa nọ he gue ẹhoho ye obọ ẹre ẹdẹ? Ra nọ ya ukpọn gbalọ amẹ? Ra nọ vin uwu ye ehe ne agbọn sẹ? Gha nọ adeghẹ uwẹ rẹn ọnrẹn, gha re ovbi ẹre? 5 “Te Osanobua mu ẹmwẹ nọ khare sẹ. Te ọ yevbe asa ne emwa hia ni lẹẹ gbinnaẹn. 6 U gha ya kha wẹẹ ọ ta ẹmwẹ nọ ma zẹdẹ ta, te Osanobua gu ruẹ gui, ọ ghi rhie ma wẹẹ ọhọnhoghe ẹre u khin.” 7 Osanobua, emwi eva ẹre l we ne u gu mwẹ gha mwẹ I te wu. 8 Mu ohoghe khian rre mẹ. Ghẹ gu mwẹ gha mwẹ ẹfe, ghẹ gu mwẹ khian ovbiogue. Rhunmwuda ọni, ye evbare nọ gha vuọn mwẹ ẹko, koko mwẹ. 9 Ne ẹko ghẹ do vuọn mwẹ gbe sẹrriọ wẹẹ, te I ghi siẹn ruẹ, I ghi kue gha kha wẹẹ, “Gha re Jehova?” Sokpan, ghẹ vbe gu mwẹ gha re ovbiogue, na ghẹ miẹn wẹẹ te I ghi ya rhaa, I na fa Osanobua mwẹ rua. 10 Ghẹ gha zaan ọguọmwadia ma arowa ẹre. Ọ gha tie ihẹn nuẹn, te ọ wa sẹ ruẹ egbe. 11 Emwa eso rrọọ ni tie ẹbọ ne erha iran, iran i vbe rẹn ẹse ne iye iran ru ne iran. 12 Emwa eso rrọọ ni roro ẹre wẹẹ te iran wa huan, vberriọ te iran wa gbe iruẹn sẹlẹkẹ. 13 Emwa eso rrọọ ni roro ẹre wẹẹ iran maan gbe, iran roro ẹre wẹẹ, a i mien ọmwa vbene iran ye hiehie! 14 Emwa eso rrọọ ne akọn iran yevbe umozo, akhuarhamwunu iran yevbe ehọ, iran keghi ya obọ yẹnyẹn ivbiogue kevbe emwa nẹi mwẹ, ọni ẹre iran wa ya rhie evbare. 15 Alualua mwẹ emọ ikhuo eva ni viẹ wẹẹ, “Rhie mẹ! Rhie mẹ!” Emwi eha ne ẹko i vuọn ẹre ọ rrọọ, kevbe emwi enẹ nẹi vbe kha wẹẹ, “Ọni sẹ!” 16 Idin, okhuo nẹi mwẹ ọmọ, otọ nọ kae ne amẹ ma he rhọọ yi, kevbe erhẹn nẹi vbe kha wẹẹ, “Ọni sẹ!” 18 Emwi eha ẹre ọ rrọọ nọ kpa mwẹ odin kevbe emwi enẹ nẹi gu mwẹ rẹn otọ ẹre: 19 Oghohọn nọ tin vbe iso, ẹyẹn nọ hiọrọ vbe uhunmwu okuta, okọ na gua la okun khian, deba okpia kevbe okhuo ni hoẹmwẹ egbe. 20 Emwi ne okhuo nọ ma gua obọ ọdọ ru ọre na khin: Ọ ghi ya ghẹ, iyeke ọni, ọ ghi ya khuẹ, ọ ghi kha wẹẹ, “I ma ru a i ghẹ ru!” 24 Aranmwẹ enẹ ẹre ọ rrọọ nọ wa giẹghẹ sokpan te ẹwaẹn gba ne iran: 25 Avbe iranmwẹ: Iran ma wegbe sokpan iran ghi si evbare iran koko vbe uyunmwu. 26 Avbe ofẹn okuta: Iran ma wegbe sokpan, uwu okuta ẹre iran bọlọ owa yi.