Itan

29 Adeghẹ te u wa dọlegbe ze vbe udu, ẹghẹ ke ẹghẹ na ya gu ruẹ gui na dia ruẹ ye odẹ, ẹdẹ ọkpa, emwi gha degbe ruẹ, u i khian vbe miẹn uhunmwu vbọ. 2 Emwa esi ghaa bun, emwa ghi gha sọyẹnmwẹ. Sokpan, ọmwa dan ghaa khaevbisẹ, agbọn ghi wa khan emwa. 3 Adeghẹ ẹwaẹn yẹẹ ruẹ, ẹko ghi gha sẹ erha ọyẹnmwẹ. Ẹki omurhia nọ na gha loo igho ne avbe igbiragia. 4 Ọba ghaa bu ohiẹn ẹmwata, ẹvbo ghi wegbe, sokpan, adeghẹ ẹmwẹ igho ọkpa ẹre ọ rẹnrẹn, te ọ khian gbe ẹvbo ẹre sẹ otọ. 5 Adeghẹ u kpe ọse ruẹ ye ewọwọ, te u rhuẹ ifi nẹẹn. 6 Orukhọ ne emwa dan ru, ọre ifi nọ mu iran, sokpan, emwa esi ghi gha sọyẹnmwẹ. 7 Ọmwa esi keghi hia nọ rẹn emwi nọ khẹke nọ sẹ ivbiogue obọ, sokpan, emwa dan i sẹtin rẹn otọ egbe emwi vberriọ. 8 Emwa nẹi daa ne emwa ọvbehe sẹtin wa fian otighi fi ẹvbo. Emwa ni wan, te iran ye ehe hia furre. 9 Ọmwa nọ wan gha tie ọzuọ ẹzọ, ogiẹ ọkpa ẹre ọzuọ nii wa giẹ, ọ ghi gha vannọ okan, ọ ghi gha tie ẹbọ. 10 Emwa ne okuo ọpia yẹẹ, te iran khuiwu ọmwa nọ ta ẹmwata. 11 Te avbe akpa wa rhie ohu iran ma ne agbọn hia miẹn, sokpan avbe umẹwaẹn ghi hẹko zin egbe, iran ghi gbe ibiẹ rrie. 12 Ọmwa nọ khaevbisẹ ghaa danmwehọ ẹmwẹ ohoghe na tama rẹn, emwa hia vbe ẹvbo ẹre ghi do khian emwa dan. 13 Ehe ne ovbiogue kevbe ọmwa nọ zẹ ọre kpokpo na re ọkpa ọre wẹẹ, Osanobua ẹre ọ viọ aro ne iran eva. 14 Adeghẹ ọba na gha mu ẹzọ ovbiogue gui, ọ gha wa tọ vbe egie. 15 Emwi nọ maan nọ deghẹ a na gu ibiẹka gui, ra a na gbe iran hin ọkhọ rre. Adeghẹ a gi ọmọ wa gha ru emwi nọ rhirhi khọn rẹn, te ọ khian ya ekhue mu iyẹe. 16 Emwa dan ghaa rre asẹ, emwi dan ghi gha biẹ yọ. Sokpan, ọmwata gha tọ miẹn iyeke emwa vberriọ. 17 U gha ma ovbuẹ emwi, te u khian yae gha hio. Ẹ i vbe mwẹ ẹghẹ ọkpa nọ gha ya ya ekhue muẹn. 18 Ẹvbo ne Osanobua i gie odẹ ma, ẹvbo nii i sẹtin dehẹnhẹn. Sokpan, oghọghọ nọ ne emwa ni lele uhi Osanobua. 22 Emwa ne egbe balọ, te iran wa si ẹzọ; Ọmwaikọmwa ne ohu rherhe mu keghe si otighi vbe ẹghẹ hia. 25 A ghaa mu ohan emwa nagbọn, ifi ẹre nọ, sokpan ọmwa nọ mu ẹtin yan e Jehova, ọ gha gbogba ga ẹre.