Itan

3 Ghẹ loo ẹtin ruẹ hia ne okhuo, ra ne u viọ igho ruẹ hia ne ikhuo, ọba ni bun ẹre ọ he ya uhunmwu khiọ ẹmwẹ iran. 4 E Lẹmuẹl danmwehọ, ọ ma khẹke ne avbe ọba gha da ayọn, ra ne ayọn nọ fian gha khọn iran. 5 Iran gha da ayọn, iran ghi mianmian uhi, iran i ghi vbe ye emwi nọ khẹke avbe ivbiogue rre. 6 Ayọn nọ fian, emwa ni khian ghi wu ẹre ọ khẹke nọ gha dae, iran ni rre uwu agbọn ọrhiae. 8 Gha guan ne avbe emwa nẹi sẹtin guan ne egbe iran; Khọn ekhae ne avbe emwa nẹi sẹtin rria ikhi ne egbe iran. 9 Guan ne iran, ne u do gha re nọ bu ohiẹn ẹmwata. Mu ẹzọ ivbiogue kevbe nẹi mwẹ iyobọ gui.” 10 Ọ wa lọghọ a te do miẹn okhuo esi rhie, ive ẹre sẹ emwi itegbe ighobioye ni bun. 11 Ọdọ ẹre mu ẹtin yan rẹn, ẹ i khian ovbiogue ẹdẹ. 12 Vbe ẹghẹ hia ne iran gba ya rre agbọn, ọ maan ẹre ọ hoo ye ọre egbe, ẹ i vbe hoo emwi ikuanegbe ghee ẹre. 13 Ọ ghi gha ya obọ ẹre winna vbe ẹghẹ hia, ọ ghi gha do ukpọn eto ohuan kevbe ukpọn eto ovbiohuẹ. 14 Ọ ghi gha la erhan la irri ya gha gualọ evbare rre, zẹvbe ne okọ avbe ọduẹki ru ẹre. 15 Ẹdẹ i he gbe vbe ọ kpaegbe ya le evbare ne emwa owa ẹre, kevbe nọ vbe tama avbe eguọmwadia ikhuo ni gue ẹre iwinna ne iran gha winna. 16 Ọ gha ghee otọ, ọ ghi dẹ ọre, ọ ghi ya igho nọ khuaẹn kọ emwiokọ yọ. 17 Ọmwa nọ mu aro ye iwinna nọ wegbe ẹre nọ, erriọ ẹre ọ vbe ya fiẹnro iwinna. 18 Ọ rẹn ive emwi ke emwi nọ ru, ọ ghi wa gha winna sẹ ogiasọn. 19 Irẹn ẹre ọ tobọ ọre sin oru ẹre, irẹn ẹre ọ vbe do ukpọn rẹn. 20 Ọ zẹ emwi obọ ne avbe ivbiogue kevbe emwa nẹi mwẹ. 21 Esia nọ si oni gha de, ẹ i vbe si osi rhunmwuda, emwa rẹn mwẹ ukpọn ni mwẹ imi ne iran ya hin egbe. 22 Ọ do ukpọn na ya wa ukpo, ukpọn ododo eto ovbiohuẹ na ma gua. 23 Agbọn hia rẹn ọdọ ẹre ẹsẹse, usun emwa ni sẹ ekpe vbe orere ẹvbo nii ẹre nọ. 24 Ọ gha do avbe ukpọn kevbe ọza, ọ ghi khiẹnnẹ ọnrẹn ne avbe ekpatẹ. 25 Ọmwa nọ wegbe na ya ọghọ na nọ, ẹ i vbe si osi ye ẹdẹ nakhuẹ. 26 Ẹwaẹn ẹre ọ ya guan. 27 Te ọ wa winna vbe ẹghẹ hia, ọ ghi vbe gha koko emwa rẹn. 28 Ivbi ẹre vbe kpọnmwẹ ọnrẹn ẹse, ọdọ ẹre ghi vbe gha tian rẹn. 29 Ikhuo ni bun ẹre ọ wa re ikhuo esi sokpan, uwẹ ẹre ọ maan sẹ ehia. 30 Te ose rẹrẹ ọmwa, te ukhuegbe vbe khian na ho bẹkun, sokpan okhuo nọ ya ọghọ ne Jehova, te ọ kere na tian rẹn. 31 Tian rẹn ye emwi nọ ru hia. Ọmwa nọ kere ne emwa hia gha ya ọghọ na ẹre nọ.