Itan
28 Ọmwa dan ghi gha lẹẹ, vbene ọmwa rhọkpa ma na khu ẹre, sokpan ọmwa esi ghi din zẹvbe oduma. 2 Uhunmwu ẹvbo gha ru orukhọ, iran ni khaevbisẹ ghi gha lele egbe kpẹkpẹkpẹ. Sokpan, adeghẹ uhunmwu ẹvbo ọkpa mwẹ ọkaolotu nọ wan kevbe ne ẹdẹ gbe vbe ẹko ẹre, ọ ghi wegbe, ọ ghi vbe kpẹẹ vbe otọ ẹsẹse. 3 Ọmwa nọ rre asẹ nọ zẹ ivbiogue kpokpo, te ọ yevbe amẹ ne ẹhoho lele, nọ gbele emwiokọ. 4 Adeghẹ wẹ i zẹye vbene uhi khare, avbe emwa dan ẹre uwẹ ya egbe ba, sokpan, u gha yae ru emwi, te u gu iran gbinna. 5 Emwa dan ma rẹn emwi na ya ohiẹn ẹmwata kha, sokpan, iran ni ga e Jehova rẹn ọnrẹn ẹsẹse. 6 A re ovbiogue nọ yin uyinmwẹ adazẹ, ẹre ọ maan sẹ na gha re ọdafẹn ne ẹwobi. 7 Igbama nọ lele uhi ru emwi, umẹwaẹn nọ. Ọmọ nọ lele avbe emọ nikẹkua khian, efa ẹre ọ khin ne erhae. 8 Adeghẹ igho isu kevbe igho ne u miẹn vbe obọ emwa ne emwi ba so, ẹre u ya fe, ẹfe ruẹ gha gberra gha rrie obọ ọmwa nọ tohan ivbiogue. 9 Adeghẹ wẹ i ya uhi ru emwi te erhunmwu ruẹ khian wa gha sọnnọ Osanobua. 10 U gha rẹrẹ ọmwa esi fi orukhọ, ifi ne uwẹ tobọ khuan gha muẹn. A gha san ọmwa nọ ma rukhọ ẹse ẹsẹse. 11 Emwa ni fe ghi gha roro ẹre vbe ẹghẹ hia wẹẹ iran wan; sokpan, ovbiogue nọ ghee umian uyinmwẹ ọmwa, rẹn sẹ ọre. 12 Emwa esi ghaa rre asẹ, agbọn hia ghi gha ghọghọ; sokpan, emwa dan ghaa rre ukpo, edọmwadẹ ọghẹe ghi rhie uhunmwu lẹre. 13 U gha gbe gue orukhọ ruẹ, agbọn i maan ruẹ ẹdẹ, miẹn iran kue ne u vbe zobọ vbọ, Osanobua gha tohan ruẹn. 14 Oghọghọ nọ ne ọmwa nọ bodẹ. Adeghẹ u ze vbe udu te u ra fuan. 15 Ivbiogue i miẹn ẹmwẹ guan vbe odaro enọkhaevbisẹ ne ọmwa dan, ọ zẹ ẹbe sẹ oduma nọ tu ye evbare kevbe akpakomiza nọ ru ohuẹ khian. 16 Enọkhaevbisẹ nẹi mwẹ ẹwaẹn ẹre ọ loo ẹtin ẹnrẹn ghee ihan. Sokpan, ọmwa ne uyinmwẹ ero i yẹẹ gha tọ vbe agbọn. 17 Ọmwa nọ do izigha, idin egbe ẹre, ẹre ọ wa zẹgiẹgiẹ fian nii, ghẹ da ẹre obọ yi. 20 Emwa ni mwẹ uyinmwẹ nọ maan, gha miẹn afiangbe ni bun, sokpan, u gha wẹẹ ẹfe ẹgiẹgiẹ ẹre u gualọ, ẹ i mwẹ u ma rri abe. 26 Ukọnmwẹ nọ ne u wa gha ya ẹwaẹn obọ ruẹ ọkpa ru emwi. Gha ya emwi ne emwa ni waan sẹ ma ọmwa re ru emwi, ne u gha rrọọ vbe ai mwẹ ẹbe.