Itan

27 Ghẹ rhuọ khẹ ẹdẹ nakhuẹ; wẹ ma rẹn emwi nọ gha sunu ke ẹghẹ na kpa ya sẹ ẹghẹ nii. 2 Gi emwa ọvbehe tian ruẹ, na wa kha wẹẹ avbe orhunmwuyẹn, ghẹ tobọ ruẹ tian egbe ruẹ ẹdẹ. 3 Okuta khua, ekhae vbe khua, sokpan a i ye ukhuamwẹ iran gie ẹti ne ukọnmwẹ sẹtin si rre. 4 Emwi dan nọ rhia emwi ẹre ohu khin, sokpan a i zẹdẹ yae gie igbọvo hiehie. 5 A gu ọmwa gui vbe azagba, ẹre ọ maan sẹ na gha rhiẹre ma wẹẹ iwinna ọmwa nii ma mu ọmwa. 6 Ọse gha dobọ fi ọmwa emwi nọ da ọmwa, iku ọyẹnmwẹ nọ. Sokpan, eghian ọmwa gha mu unu soso ọmwa, te a khẹ ye egbe. 7 Ẹko gha vuọn ọmwa nẹ, te ọ he owọn vbe a gha rhie nẹẹn, sokpan ohanmwẹ ghaa gbe ọmwa, uhiẹn ighẹ te avbe evbare ni rriara hia ghi rhiẹnrhiẹn. 8 Ọmwa nọ kpa vbe owa rre, te ọ yevbe ahianmwẹ nọ kpa hin oko rre. 9 Ori kevbe eturari keghi ya ẹko rhiẹnrhiẹn ọmwa; erriọ ẹre ibude nọ maan, nọ ke obọ ọse rre vbe ye. 10 Ghẹ mianmian avbe ọse ruẹ ra avbe ọse erhaa, u ghaa mwẹ ọlọghọmwa ghẹ nọ ọtuẹn iyobọ. Ọmwa ẹdogbo nọ sikẹ ọmwa gha sẹtin ru iyobọ nuẹn sẹ ọtẹn nọ rre urria. 11 Gha wan ovbi mwẹ, ne u gi ẹko gha rhiẹnrhiẹn mwẹ, ne I sẹtin gha zẹ ẹmwẹ wanniẹn ọmwa nii, nọ gbodan ghee mwẹ. 12 Avbe umẹwaẹn sẹtin rẹn vbe orueghe a gha dee, iran ghi gban egbe nẹẹn; sokpan, ọmwa nẹi roro iro ghi wa ya owẹ eveva khian laọ, ọ ghi ya gha gbe l ma rẹn vbe okiekie. 13 Ọmwa nọ kọn sẹrriọ nọ na kha ighẹ irẹn gha mu osa orhunmwuyẹn hae, te ọ kere na viọ ẹre emwi hin rre, ne aro ya dae wẹẹ ọ gha gele hae. 14 U wa tie ẹbọ ne ọse ruẹ, ẹre ọ maan sẹ ne u vannọ okan ya huẹn ọnrẹn vbe ovbe rhunmwuda ighẹ te u tuẹ ọre. 15 Okhuo nọ vian, te ọ yevbe amẹ ni wẹwẹ nọ miẹn ẹdẹ. 16 Ọmwa nọ gha sẹtin ru ẹre nọ hunwan, ọ gha vbe sẹtin da obọ ẹhoho yi, ọ gha vbe sẹtin gue ofigbọn ye obọ. 17 Te a ruẹ emwi vbe obọ egbe, zẹ vbe ne ematọn lọ ematọn nọ gha mu. 21 Erhẹn ẹre ọ danmwẹ igoru kevbe esiliva ghee, uyinmwẹ ọmwa nagbọn vbe gia danmwẹ ghee. 23 Kakabọ gbe aro kotọ gha koko avbe ohuan kevbe ẹmila ruẹ.