Itan

25 Ye vbe ghee eso vbe uwu itan e Sọlomọn ne emwa gbẹnnẹ ye otọ vbe ẹguae Hẹzẹkaia ne Ọba e Juda. 2 Emwi ne Osanobua viọ lẹre ẹre ọ ya ima ya ọghọ nẹẹn, emwi ne avbe ọba rhan otọ ẹre, ẹre ọ ya ima rhie ọghọ ne iran. 3 A i sẹtin rẹn emwi nọ rre ọba ẹko, iro ẹko ẹre yo sẹ ima zẹvbe ne uyomwẹ iso ye, ra udinmwimwẹ ọghe okun. 4 Viọ ivbi emwi ni rre uwu esiliva hin rre, avbe owinna gha sẹtin yae ru emwi nọ mose. 5 Viọ avbe emwa ni bu ọmwa ude dan hin ehe ne ọba ye rre, uyinmwẹ ẹmwata ẹre a khian ya rẹn arriọba ọghẹe. 6 U gha mudia ye odaro ọba, ghẹ gha ru emwi we nọ ba bẹghe ruẹ ra ne u gha rhie ma wẹẹ okpọmwa ẹre u khin. 7 A tie ruẹ wẹẹ ne u do tota ye ehe nọ sikẹ odaro sẹ, ẹre ọ maan sẹ na tama ruẹ wẹẹ ne u kpaegbe ne ọmwa nọ ru okpọmwa sẹ ruẹ tota. 8 Ghẹ gha rhulẹ yo iko ba ẹmwẹ emwi ne aro ruẹ sẹ. Adeghẹ osẹe ọvbehe ghi do rhan otọ ẹre, a na ghi do miẹn wẹẹ ohoghe ẹre u ta vbo, vbua ghi a ru hẹ? 9 Adeghẹ wẹ vbe ọmwa ẹdogbo ruẹ muan ẹmwẹ ye emwi ọkpa, wa tobọ uwa bu ẹre ne egbe uwa, wa ghẹ vbe ya gha we oro. 10 Na ghẹ miẹn wẹẹ te emwa hia ghi rẹn ruẹ ye ọmwa nọ ya uma vẹ, egbe ruẹ i khian sẹtin rrọọ ekhue nọ rrọọ. 11 Ẹmwẹ na ta vbe ẹghẹ nọ khẹke, te ọ yevbe iwinna ona ọghe igoru na ma yan esiliva. 12 Ude ne ọmwa nọ kpẹẹ agbọn rhie ne ọmwa nọ mu egbe nọ ya danmwehọ, ẹre ọ maan sẹ avbe oroka igoru emwi itegbe na ya igoru nọ maan sẹ ru. 13 Ọmwa ẹmwata na gie ẹre uhunmwu, te ọ fu ọmwa nọ gie ẹre uhunmwu egbe rre zẹvbe ne amẹ nọ fu rre fu ọmwa egbe rre vbe ẹghẹ owowo ẹghẹ emwiorhọ. 14 14 Emwa ni gha ve ọmwa emwi ne iran i hae, te iran yevbe ẹhoho ra amẹ nọ bi nẹi rhọ. 15 Arhẹrhẹ kevbe izinegbe gha sẹtin dọ ohu nọ ghi kue wegbe sẹ yọ, uhiẹn ighẹ te ọ vbe sẹtin fi enigie ekhọe werriẹ. 16 Ghẹ lalọ amẹ owọn gberra vbene ọ ke nuẹn sẹ, ọ gha bun gbe, ọ sẹtin ya ruẹ gha bi. 17 Ghẹ kpẹkpẹ gbe vbe otuẹ ne u mu gie emwa ẹdogbo ruẹ, egbe ruẹ sẹtin wọọ ẹre, ọ ghi do gha mu ohu ruẹ. 25 Iyẹn oghọghọ nọ ke ehe nọ rre sẹ ọmwa obọ, te ọ yevbe amẹ nọ furre ne ọmwa wọẹn vbe ẹghẹ ne ovbamẹ na kaka ọmwa ẹho. 27 Ẹ i maan ne ọmwa gha lalọ owọn nọ bun gbe, Ẹ i vbe maan deghẹ ọmwa na gha gualọ uyi ọghe egbe ẹre. 28 Adeghẹ u i gua zin egbe vbe ohu gha muẹn, te u wa mu egbe fua, zẹvbe ẹvbo na ma gbe ekẹn ga, ẹ i sọn emwa guẹ gbinna.