Itan
24 Ghẹ gbọvo emwa dan, ghẹ vbe gu iran ru ọse. 2 Iro ne iran zẹ ma gberra na gha si ẹti khian, ẹghẹ ke ẹghẹ ne iran rhirhi ya rhan unu iran, ọ ghi zẹ ẹbe ne emwa ọvbehe. 3 Ẹyotọ ọghe ẹwaẹn kevbe irẹnmwi ẹre ọ bọ owa yan. 4 Ehe ne irẹnmwi ye, emwi ighobioye ne mose ẹre a ya te avbe ughugha ni rrọọ. 5 A wan ẹre ọ maan sẹ a wegbe, vbene ẹmwata, irẹnmwi ẹre ọ ru ekpataki sẹ ẹtin. 6 Agbọn hia rẹnrẹn wẹẹ, te a ka mwamwaẹn nẹ a ke ya khọn okuo, emwa nibun gha vbe bu ruẹ ude esi, ẹre u khian na khọnmiotọ. 7 Ẹmwẹ ẹwaẹn dinmwi gbe ne ọzuọ gha sẹtin rẹn otọ ẹre. Ẹ i miẹn ẹmwẹ ọkpa ta vbe a gha guan yan emwi kpataki. 8 Adeghẹ ọkhọ ẹre u mwamwa vbe ẹghẹ hia, agbọn ghi do rẹn ruẹ ye ọmwa nọ si ẹti khian. 9 Emwi ne akpa a rhirhi zẹ iro ẹre rre, orukhọ nọ. Emwa hia ẹre ọ khuiwu ọmwa nọ zan emwa ọvbehe vbe ẹghẹ hia. 10 U gha ye gha vburriẹ vbe ẹghẹ asobọyegbe, evburriẹ ne evburriẹ ẹre u gele wa khin. 11 Ghẹ si obọ vbe iwinna ọghe na fan ọmwa na bu ohiẹn eku uwu gbe na khian gbe rua ye otọ. 12 U sẹtin kha we ọ ma kaan ruẹ, sokpan Osanobua rẹnrẹn, ọ vbe ghee ekhọe ruẹ. Ọ wa rhie aro leluẹ, ọ rẹnrẹn, ọ gha vbe ha ẹre nuẹn zẹvbe ne u vbe ru. 13 Ovbi mwẹ, gha rri owọn ighẹ ọ maan. U ghi rẹn wẹẹ zẹvbe ne owọn na min ke ipapa owọn rre maan, 14 erriọ ẹre ẹwaẹn vbe maan ne orhiọn. Gi ẹwaẹn gha guẹ, agbọn gha maan ruẹ. 15 Ghẹ yevbe ọmwa dan, nọ mwamwa vbene irẹn gha ya rha ọmwa nọ yin ẹse hẹ, ra vbe nọ gha mu ẹre owa hẹ. 16 Ọ gha khọnrẹn ne ọmwa esi de igba ihinrọn, te ọ ye kpaegbe; sokpan, ọkhọ ẹre ọ khian fuẹn ọmwa dan rua. 17 Ghẹ gha ghọghọ vbe emwi dan gha rruan oghian ruẹ; ọ gha de, ghẹ vbe ghọghua. 18 E Jehova gha rẹn adeghẹ te u giẹ ọre, ẹ i khian yẹẹ ọre. Ughaghe, ẹ i khian vbe rri ọre oya. 19 Ghẹ gi emwa dan rueghe ruẹ orhiọn, ghẹ gha gbọvo emwa dan. 20 A gha wabọ emwa dan rua; ukpa ọghe emwa dan gha dọyọ. 21 Ovbimwẹ, gha ya ọghọ ne Jehova, vbe gha daa ne ọba. Ghẹ gu avbe emwa ni sọtẹ mu obọ, 22 Egbe emwa vberriọ sẹtin wa fuan vbe udemwurri. U he roro ẹre ẹdẹ vbe nọ kpọlọ sẹ hẹ ighẹ emwi ne Jehova ra ọba sẹtin we nọ rruan iran ra? 27 Ghẹ bọ owa ruẹ ne u zọ urho ladian, vbe ẹ i re te ugbo ruẹ de mudia nẹ, aro ruẹ na vbe dae ighẹ u gha sẹtin gha miẹn evbare unu. 28 Ghẹ sẹ osẹe gbe ọmwaikọmwa vbene ẹi na mwẹ otọ esi. Ghẹ gha ta ẹmwẹ nọ gha bibi emwa ọvbehe odẹ.