Itan
22 A gha wẹẹ ne u zẹ ọkpa vbọ, eni esi ra ẹfe, zẹ eni esi. Na gha rhie ọghọ ne ọmwa, ẹre ọ maan sẹ esiliva kevbe igoru. 2 Emwi ne ọdafẹn kevbe ovbiogue ma mwẹ sẹ egbe ọre wẹẹ e Jehova ẹre ọ yi iran eva. 3 Ọmwa nọ mwẹ ẹwaẹn gha miẹn wẹẹ orueghe dee, ọ ghi rhie uhunmwu ẹnrẹn lẹre, sokpan, ọmwa nẹi roro iro ghi wa ya owẹ khian larọ, ọ ghi ya gha gbe I ma rẹn vbe okiekie. 4 Gha ya ọghọ ne Jehova, gha mu egbe rri otọ, u gha miẹn ẹfe, uyi, kevbe utọmwẹ. 5 Adeghẹ u hoẹmwẹ ẹdagbọn ruẹ, biegbe ne ifi nọ mu ọmwa dan vbe odẹ. 6 Ma ọmọ odẹ nọ khẹke nọ ya gha yin; uhiẹn vbe ọ gha waan nẹ, te ọ khian ye gha ye ẹre rre. 7 Avbe ivbiogue ọre eviẹn enife. U gha mọmọ igho, ọviẹn ọmwa ne u mọmọ ẹre igho ẹre u khin. 8 U gha gbọ inian a i ta ẹmwata, ọfuan ẹre ọ khian yuo ladian vbọ, ufomwẹ ọghe ne u na zẹ emwa kpokpo ghi rre. 9 Gha zẹ emwi obọ ne u vbe ghae ne avbe ivbi ọse ruẹ vbe evbare ruẹ. Te a khian fiangbuẹ yọ. 10 Wa yuo ọmwa nọ ya obọ rra ẹwẹ ọre fua, ẹghẹ nii, imuanẹmwẹ, ẹzọ kevbe ovan na tie egbe re, ghi fo vbe otọ. 11 Adeghẹ u hoẹmwẹ ekhọe nọ hianrẹn kevbe wẹẹ, ẹmwẹ nọ rhiẹnrhiẹn ẹre ọ ke ruẹ unu ladian, ọba gha do gha re ọse ruẹ. 12 E Jehova ẹre ọ zẹe ighẹ a sẹtin gbogba ga ẹmwata, ọ ghi vbe ru ẹre na gha miẹn otọ ẹmwẹ ohoghe. 13 Ọmwa obẹrure ghi tota ye owa, ọ wẹẹ oduma gha mu irẹn deghẹ irẹn na ladian vbe owa. 14 Uye nọ dinmwi ẹre unu okhuo nọ ma rẹn enegbe khin. Emwa ne ohu ẹre mu e Jehova, ẹre ọ dele ye uwu ẹre. 15 Obọ ibiẹka ẹre a na miẹn uyinmwẹ ihuẹn kevbe ukọnmwẹ, sokpan, ubi na dan ọmọ re vbe ikebe, gha ma ẹre vbene ọ kere na gha ru emwi hẹ. 16 Adeghẹ u ha oko gie iran ni fe nẹ, ra te u zẹ ivbiogue kpokpo ne u ya họn ẹfe ruẹ, te uwẹ tobọ ruẹ gha do khian ovbiogue. 17 Danmwehọ mwẹ, I gha ma ruẹn avbe ẹmwẹ eso ne avbe umẹwaẹn tae. Ne u mieke na ruẹ emwi ne iran ma ọmwa re. 18 Ẹko gha vbe rhiẹnrhiẹn ruẹ adeghẹ u ye iran rre, u na vbe gua gha ya iran kpa itan. 19 I hoo ne u mu ẹtin yan e Jehova, ọni ẹre ọ si ẹre ne I khian na ma ruẹ irẹnmwi nian. 24 Ghẹ gu emwa ne egbe balọ gbagbagba ru ọse. 25 U sẹtin wa vbe guẹ emwi ne iran guẹ vbe nẹi na gu ruẹ fiwerriẹ. 29 Uwẹ hẹ miẹn okpia nọ fuẹro iwinna rẹn ra? Avbe ọba ẹre ọ gu tota; ẹ i tota ke emwa kẹkan.