Itan
21 Vbene ẹ i lọghọ e Jehova vbe ọ gha ta ehe ne ẹzẹ gha lẹ la, erriọ ẹre ẹ i vbe lọghọe vbe ọ ghaa dia ekhọe ọba ye odẹ. 2 U sẹtin gha roro ẹre wẹẹ emwi ne u ru hia ẹre ọ wa gba, sokpan yerre wẹẹ, iro ne u zẹ, u ke ya ru emwi ẹre Jehova ghee. 3 Na gha ru emwi nọ maan kevbe nọ kere, ẹre ọ yẹẹ e Jehova sẹ ese na zọ ghee ẹre. 4 Nọ ne emwa dan; a ma he miẹn egbe ọmwa vbe mwẹ ẹdẹ kevbe itengbemu, ẹre ọ ya iran ru emwi ne iran ru. Orukhọ ẹre ena khin. 5 Ọmwa gha mwamwa emwi ẹse, emwamwa rẹn ghi dinnodẹ, sokpan ọmwa nọ ya okhirhikhirhi ru emwi, ogue ẹre ọ khian gha ye. 6 Ẹfe ne u ya uyinmwẹ ogberhu miẹn, te ọ rherhe zagha, sokpan, ọ te zagha, ọ ghi ka siọ sẹ agbanmwẹ idin nẹ. 7 Nọ ne emwa dan, ibalegbe ẹre ọ gbe iran uhunmwu, iran i hoo ne iran ru emwi nọ kere. 8 Odẹ nọ gọe ẹre emwa ni rriabe la, emwa ni ma rriabe ghi gha ru vbene ọ kere. 9 A wa ya dia ẹrhunrhun owa ya, ẹre ọ maan sẹ na gha gu okhuo nọ vian rre owa ọkpa. 10 Ohanmwẹ emwi dan na ru ẹre ọ gbe emwa dan vbe ẹghẹ hia; iran i tohan ọmwa rhọkpa. 11 A gha rri ọmwa nọ wa ghee ẹwẹ ọre ọkpa oya, uhiẹn ighẹ ọmwa nẹi roro iro ghi vbe ruẹ emwi vbọ. Ọmwa nọ wan, emwi na ma ẹre re, ẹre ọ ya ru emwi. 12 Osanobua ọghe ẹmwata rẹn emwi nọ khian vbe uwu owa ọmwa dan, te ọ khian rhia ẹdagbọn ọmwa dan rua. 13 U gha wẹẹ, u i danmwehọ utumwẹ ovbiogue, ai vbe danmwehọ ruẹ vbe uwẹ a gha tu nọ iyobọ. 14 Deghẹ ọmwa ọkpa mu ohu ruẹ, u ghi la ẹkhokho ha oko gie ẹre, ọ gha fu ẹre ekhọe rre. 15 A gha bu ohiẹn ẹmwata, ẹko ghi gha rhiẹnrhiẹn emwa esi, sokpan ọ ghi wa ya egbe wọọ emwa dan. 16 Uwu diakhẹ ọmwaikọmwa nọ bibi odẹ la hin ẹwaẹn esi rre. 17 U ghaa re ọmwa nọ guẹ emwi aghanghan na loo, ayọn na da, kevbe evbare obọ i sẹ otọ uwawa, u i fe ẹdẹ. 18 Ọlọghọmwa ne emwa dan wẹẹ iran khian si ye emwa esi egbe, uhunmwu iran ẹre ọ de yi. 19 A wa gha rre otọ ẹgbo, ẹre ọ fu egbe sẹ na gu okhuo nọ vian kevbe nọ gui ẹzọ dia owa ya. 20 Ghẹ gu iran ni da ayọn gbe egbe mu obọ, ra iran ni re gbe ẹko rua. 21 Gha mwẹ itohan, ghẹ vbe gha ru ero, u gha wa tọ, emwa ọvbehe gha ya ọghọ nuẹn, iran ghi vbe gha ya obọ esi mu ruẹ. 30 Ẹwaẹn, irẹnmwi kevbe ibude rhọkpa i rrọọ, nọ mwẹ esa nọ ye adeghẹ ọ na gbodan ghee Jehova. 31 U sẹtin miẹn ẹsin viọ ye otọ na ya yo igbinna, sokpan e Jehova ẹre ọ rhie akhọnmiotọ ne ọmwa.