Itan
17 A rri ebrẹd nọ kakae vbe eke ne ọfunmwegbe ye, ẹre ọ fu egbe sẹ na ya rri evbare ọbọbọtizọ vbe owa ne ẹmwẹ ye. 2 Ọguọmwadia ne aro ẹre sẹ otọ, ẹre ọ khian gha kha yan ọmọ oya ne arowa ẹre biẹ, ọ gha vbe sẹ ọre obọ vbe ukhu ẹre. 3 Erhẹn ẹre a ya danmwẹ igoru kevbe esiliva ghee, sokpan, e Jehova ẹre ọ ghee ekhọe ọmwa ghee. 4 Emwa dan ghi gha danmwehọ emwa dan, avbe ọhọnhoghe ghi vbe gha danmwehọ ohoghe. 5 U gha ya ivbiogue gbogiẹ, te u zan Osanobua nọ yi iran. A gha rri uwẹ oya, adeghẹ te uwẹ ghọghọ ye emwi nọ rruan ọmwa ọvbehe. 6 Te avbe ọmaẹn ye eyẹ ọghe iran hio zẹvbe ne ibiẹka ikpia ye erha iran hio. 7 Avbe adazẹ i ta ohoghe, avbe akpa i vbe mwẹ ẹmwẹ agbọn ne iran gha ta. 8 Emwa eso wa roro wẹẹ te ẹse yevbe okuta ẹrọnmwọn nọ ye emwi dunna ne ọmwa; iran yayi wẹẹ a i miẹn emwi nẹi gie ẹre ru. 9 U ghaa hoo ne emwa hoẹmwẹ ruẹ, iran gha ruẹ emwi khọ, yabọ iran. Te ọmwa nọ hie erhẹn ye ẹmwẹ si iwannegbe ye uwu ẹkpo avbe ọse ni gu obọ egbe. 10 Ẹwaẹn ne umẹwaẹn miẹn vbe a gha gu ẹre gui uhukpa, bun sẹ ne ọzuọ miẹn vbe a gha gbe ẹre igba iyisẹn. 11 Emwa dan ni gbe ẹti khian, uwu gha bu iran rre zẹvbe ukọ nẹi mwẹ ekhọe itohan hiehie. 12 Ọmwa dekun akpakomiza na mu ẹre ọmọ, ẹre ọ maan sẹ nọ do vba avbe ọzuọ vbe iran ghaa fuẹn iwinna akpa ginna otọ. 13 U gha ya ọkhọ ha osa ọ maan, ọkhọ i la hin owa ruẹ rre ẹdẹdẹmwẹdẹ. 14 Te ọmwa nọ suẹn imuaẹnmwẹ, yevbe ọmwa nọ ha iso vbe ẹghẹ orhọ; vbene imuaẹnmwẹ nii te si ẹzọ, u ghi fẹko kpa. 15 Na bu abe gbe nọ ma rri abe, kevbe na fan nọ rri abe fua, osọnnọ ẹre ehia khin vbe odaro e Jehova. 16 De iyobọ nọ ye deghẹ a na gha loo igho ya gha ma ọzuọ ebe, vbene ẹ i na mwẹ isan ẹwaẹn ọkpa? 17 Ọse ọghe ẹmwata keghi rhie ahoẹmwọmwa ma vbe ẹghẹ hia, ọtẹn nọ gha sẹtin ru iyobọ ne ọmwa vbe ẹghẹ ne emwi ya lọghọ ọmwa ẹre nọ. 22 Aro ọmwa ghaa maan vbe uhunmwu vbe ẹghẹ hia, egberranmwẹ ẹre ọ rhie gie ọmwa; sokpan te ekhọe nọ vuọn ne orriara gbe ẹtin. 24 Ọmwa nọ wan ghi gha rhie aro ye emwi ẹwaẹn nọ gha ruẹ, sokpan, aro ọghe akpa ghi wa gha rre ehe hia. 27 Ọmọ nọ rẹn enegbe i talọ ẹghẹ hia; ọmwa nọ hẹko zin egbe kevbe nọ ghee umọdia emwi, ẹre nọ.