Itan
16 Ma sẹtin gha mwamwa emwamwa ọghe obọ ima sokpan, e Jehova ẹre ọ ta ọfo yọ. 2 U sẹtin gha roro wẹẹ, emwi ne u ru hia wa gba, sokpan, e Jehova ghi ghee emwi nọ ya ruẹ ru ẹre. 3 Rinmwian e Jehova nọ yobọ ye emwamwa ne u rhirhi gha ru, u gha ru vberriọ, emwamwa ruẹ gha dunna 4 Te Jehova wa ru ẹre ne emwi hia gha rrọọ zẹvbe ne irẹn gualọe yi; emwi na ghae khẹ ọmwa dan ọre ọfuan. 5 Te ẹmwẹ ọmwaikọmwa nọ tọn egbe mu sọnnọ e Jehova; ẹ i vbe gi irrioya la iran ban ẹdẹdẹmwẹdẹ. 6 Gha re nọ mwẹ ẹkoata kevbe nọ gia mu ẹtin yan, e Jehova gha ya orukhọ ruẹ bọọ. Imuohan ọghe Jehova, keghi ya ọmwa lẹẹ ne emwi dan. 7 U gha ru vbene ọ yẹẹ e Jehova, u gha sẹtin ya avbe eghian ruẹ khian ọse. 8 Emwi kherhe na la odẹ ẹmwata miẹn, ẹre ọ maan sẹ na gha mwẹ okpe ere na la odẹ ero miẹn. 9 Wẹ sẹtin ru emwamwa ọghuẹ. Sokpan e Jehova ẹre ọ ta vbene u gha ru emwi hẹ. 10 Ẹtin uyi ẹrinmwi ẹre ọba ya guan, emwi nọ tae hia, ẹre ọ wa re nọ gbae. 11 E Jehova hoo ne emwi na ya mwa emwi hia, ọghe ubunmwẹ kevbe ọghe ukhuamwẹ gha re ọghe ẹmwata, kevbe ne emwi na khiẹn hia gha re vbene ọ ke yi. 12 Avbe ọba i zẹdẹ rhie otọ ne ọkhọ; rhunmwuda iruemwiẹse ẹre ọ ya arriọba khian nọ wegbe. 13 Ẹmwata ẹre ọba hoo nọ gha họn, iran ni tae gha miẹn aro nọ maan vbe obọ ẹre. 14 Ọmwa nọ wan ghi gha hia nọ gha ya ẹko ọba rhiẹnrhiẹn, ohu gha mu ọba, ọmwa sẹtin lae. 15 Aro nọ maan ọghe ọba yevbe okuku amẹ nọ ye amẹ rhọ vbe ẹghẹ orhọ, ọ gha sẹtin rhie arrọọ ne ọmwa. 16 Hia ne u gha mwẹ ẹwaẹn, rhunmwuda ọ maan sẹ igoru! Hia ne u gha rẹn otọ emwi, rhunmwuda ọ maan sẹ esiliva. 17 Odẹ ne ẹbe i ye ẹre emwa esi la, rhunmwuda ọni, gha rhuan egbe vbe ehe ne u yo, ọni sẹtin da uhunmwu ruẹ yi ye agbọn. 18 Itengbemu ẹre ọ karo udemwẹ, Uhiomwẹ ẹre ọ ya ọmwa rrua owẹ. 19 Na gha re ọmwa ọmẹhẹ, na vbe tọ, ẹre ọ maan sẹ na gha rre usun iran ni tọn egbe mu na vbe ghae vbe emwi na furu ọghe iran. 20 Gha danmwehọ emwi na ma ruẹ re, ọ gha dunna nuẹn; mu ẹtin yan e Jehova, ẹko gha sẹ ruẹ ọyẹnmwẹ. 22 Ẹwaẹn keghi rhie arrọọ ne iran ni mwẹ ọnrẹn; Sokpan avbe akpa keghi rri oya ye ukọnmwẹ ọghe iran. 23 Te emwa ni mwẹ ẹwaẹn ka roro ẹmwẹ nẹ iran ke tae, iran gha ghi tae, ẹghẹ nii, ọ ghi gha la ọmwa ehọ. 25 Emwi ne uwẹ wa roro wẹẹ ọni ọre odẹ ẹmwata, sẹtin gha re odẹ nọ rrie uwu. 28 Emwa dan ẹre ọ si ighaegbe, emwa ni ta ọmwa ọtakhọ ẹre ọ rhia ọse. 31 Ẹrhu ẹde ọghe uyi ẹre edẹ khin, deghẹ ọmwa na gha ru emwi esi vbe arrọọ ọghẹe. 32 Ọmwa nẹi rherhe muohu ẹre ọ maan sẹ ọmwa nọ zẹ ẹtin. Ọmwa sẹtin kha yan egbe ẹre, ẹre ọ maan sẹ we ọ kha yan okpẹvbo.