Itan
18 Ọmwa nẹi gu emwa ọvbehe ru emwi, enegbe ẹre ọkpa ẹre ọ rẹnrẹn; emwa hia gha rẹn wẹẹ emwi nọ gbae nene emwi khin, irẹn ghi wẹẹ, ẹn o. 2 Ọzuọ i zẹyọ deghẹ ọ rẹn otọ nene emwi ra ọ ma rẹn ọnrẹn, emwi nọ hoo ọre nọ gi emwa hia rẹn wẹẹ, okpia ne okpia ẹre irẹn khin. 3 Orukhọ kevbe efaa ẹre ọ gba khian. U gha mu ẹkpẹn ne egbuẹ fua nẹ, ozan ẹre u khian ghi ya rhie ihe ẹre. 4 Ẹmwẹ ne unu ọghe ọmwa sẹtin gha re ehe ne ẹwaẹn ke rre, nọ dinmwi vbe okun, nọ furre zẹvbe amẹ ẹzẹ nọ lẹẹ. 5 Emwi nọ ma gba nọ na gha gbe ewanmwẹ ghee obọ ọkpa ne ọmwa dan, ra na ghẹ bu ohiẹn ẹmwata ne ọmwa esi. 6 Ọzuọ eso gha mu ẹmwẹ hẹn, ugbemwẹ ẹre ọ gualọ. 7 Ọzuọ gha guan, egbe ẹre, ẹre ọ mu rhia; ifi ne ẹmwẹ ne unu ẹnrẹn khuẹn ghi muẹn. 8 Ewẹwẹwẹ rhiẹnrhiẹn gbe! Te ọ yevbe evbare na mi re! 9 Obẹrure kevbe ọka ẹrhia, ọkpa ẹre iran eva khin. 10 Te Jehova yevbe owa ọkhẹ nọ wegbe, ehe ne emwa esi gha lẹẹ fi, iran ghi vbe miẹn uhunmwu. 11 Sokpan emwa ni fe ghi gha mwẹ ọnrẹn vbe ekhọe wẹẹ, te ẹfe iran degue iran zẹvbe ekẹn nọ wegbe na gbe lẹga okpẹvbo. 12 A i ya ọghọ ne ọmwa adeghẹ ẹ i mu egbe rriotọ; emwa ni tọn egbe mu, odẹ ọfuan ẹre iran gbẹn khian. 13 Gha danmwehọ ẹmwẹ nẹ, u kegha rhie ewanniẹn yọ, adeghẹ ẹ i re vberriọ, te u ru emwi ọzuọ nọ vbe yagha ọmwa. 14 Ekhọe ruẹ ghaa rrọọ wẹẹ u hoo ne u fe, ọ sẹtin ru iyobọ nuẹn vbe ẹghẹ emianmwẹ, sokpan, ọni gha la hin rre, emwi ne u te ya aro yi nokiekie ẹre ọ fo nii. 15 Ọ rre ekhọe ọghe avbe umẹwaẹn ne iran gha mwẹ irẹnmwi, iran vbe mu egbe ne iran ya ruẹ emwi vbe ẹghẹ hia. 16 Adeghẹ u hoo ne u miẹn ọmwa kpataki aro, ya emwi ha oko gi ẹre, ẹ i khian zẹdẹ lọghuẹ hiehie. 17 Ọmwa nọ ka gui vbe iko, ọ ghi yevbe na miẹn wẹẹ irẹn ẹre ọ rria ase, ọmwa ne iran gba gui ke nọ rẹn ọta. 18 Uta na yan ẹre a ya sọfurre ye ẹzọ, ẹre a vbe ya sọfurre ye ẹmwẹ nọ rre ẹkpo orhunmwu eva ni wegbe. 22 Ọmwa nọ miẹn okhuo esi rhie, miẹn emwi nọ maan nẹ, te ọmwa vbenian miẹn ẹse nọ ke obọ e Jehova rre. 24 Ọ mwẹ avbe ọse eso ni mu egbe ni iran ya gbele egbe rua, sokpan avbe ọse eso rrọọ ni maan sẹ etẹn.