Itan
15 Ewanniẹn nekhuẹrhẹ ẹre ọ dọ ohu yọ, sokpan, te ẹmwẹ nọ wegbe gua ẹre kpa. 2 Avbe umẹwaẹn ghaa guan, irẹnmwi ghi gha yẹẹ ọmwa; sokpan, avbe akpa, te iran ta ẹmwẹ oya ladian. 3 E Jehova bẹghe emwi ni sunu vbe ehe hia, irẹn gha ghee ima, deghẹ emwi esi ma ru ra emwi dan. 4 Te ẹmwẹ itohan rhie arrọọ rre, sokpan, ẹmwẹ obi, te ọ gbe orhiọn. 5 Ukọnmwẹ nọ ne ọmwa nọ fi iyeke gbe emwi ne erhae ma ẹre, ẹwaẹn nọkhua nọ adeghẹ u rhie ibude nọ ya dia ruẹ ye odẹ. 6 Ẹfe emwa esi ghi gha dia iran obọ ya, sokpan, emwa dan ghi hẹ ọghe iran kua vbe ẹghẹ ne emwi hia na kan. 7 Obọ avbe umẹwaẹn ẹre irẹnmwi na vẹ gba ehe hia, ighẹ ẹ i re avbe ọzuọ. 8 Te izọese emwa dan sọnnọ e Jehova, sokpan emwa esi gha na erhunmwu, ẹko ghi gha rhiẹnrhiẹn ọnrẹn. 9 Te odẹ emwa dan sọnnọ e Jehova sokpan, ọ hoẹmwẹ iran ni ru emwi ẹse. 10 U gha ru emwi nọ ma gba, a gha rriọọ oya ẹsẹse, sokpan, u gha we na ghẹ dia ruẹ ye odẹ, uhunmwu ẹre u khian ya khiọ ẹre. 11 Avbe idin i sẹtin rhie emwa ni rre ehe ne iran ye lẹre ne Jehova, vbe ọmwa nagbọn khian ya sẹtin rhie iro ekhọe ẹre lẹre ne Jehova hẹ? 12 Emwa ni ghee ẹwẹ iran ọkpa i hoo na ta abakuru ọghe iran ma iran, iran i nọ wẹẹ ne ọmwa nọ wan sẹ iran bu iran ude. 13 Ẹko ghaa sẹ emwa ọyẹnmwẹ, iran ghi gha muẹnmuẹn ogiẹ, sokpan, ẹko ghaa rriara iran, iran ghi suku aro rua. 14 Emwa ni mwẹ ẹwaẹn ghi gha hoo ne iran ruẹ emwi, sokpan, ẹko a ma rẹn ne avbe ọzuọ ye wa vuọn iran. 15 Edomian nẹi gbe amẹ sawọn ẹre ẹdagbọn ovbiogue khin, sokpan, emwa ne ẹko rhiẹnrhiẹn ghi gha kuobọyuwa vbe ẹghẹ hia. 16 Ne ọmwa gha re ovbiogue nọ mu ohan e Jehova, ẹre ọ maan sẹ na gha re ọmwa nọ fe nọ rre uwu orueghe vbe ẹghẹ hia. 17 A hẹko gu emwa na hoẹmwẹ ọnrẹn lalọ uwọnmwẹ ẹre ọ maan sẹ na ya gu ọmwa nọ khẹko ọmwa rri emiowo nọ maan sẹ. 18 Ibalegbe ẹre ọ si imuanẹmwẹ rre, sokpan, te izinegbe rhie ọfunmwegbe rre 19 U ghaa re obẹrure, ọlọghọmwa ẹre u khian gha miẹn vbe ehe hia; sokpan, adeghẹ ọmwa esi ẹre u khin, u i vbe miẹn orueghe rhọkpa. 20 Ọmọ nọ wan ghi gha ya ẹko erhae rhiẹnrhiẹn. Ọmọ nọ kọẹn ẹre ọ zan iyẹe. 21 Ẹmwẹ ukọnmwẹ wa yẹẹ avbe ọzuọ, sokpan, emwa ni wan ghi gha ru vbene ọ ke yi. 22 Adeghẹ a ma na gualọ adia, emwamwa ghi rhia. Sokpan avbe ọbude ni bun gha si uhunmwu koko, emwamwa ghi dunna. 23 Ọmwa gha rhie ewanniẹn nọ khẹke ye ẹmwẹ, ọ keghi sẹ ọre ọyẹnmwẹ, U miẹn vbene ẹmwẹ na tae vbe ẹghẹ nọ khẹke rhiẹnrhiẹn hẹ! 28 Te ọmwa esi roro ẹre nẹ ọ ke gha rhie ewanniẹn ye ẹmwẹ. Emwa dan wa mwẹ ewanniẹn ẹgiẹgiẹ sokpan ẹti ẹre ọ si. 30 Aro ni muẹnmuẹn ogiẹ ghi gha ya ẹko ọmwa rhiẹnrhiẹn, iyẹn esi ghi gha ya egbe rran ọmwa sayọ. 31 A gha dia ruẹ ye odẹ, u na gbe ehọ kotọ, umẹwaẹn ẹre u khin.