Itan

14 Okhuo nọ mwẹ ẹwaẹn keghi gi ẹkun sẹ emwa ni rre igiowa ẹre otọ, sokpan, okhuo nọ kọẹn, ẹre ọ zagha owa ẹre. 2 Ọmwa ata ẹre ọ mu ohan e Jehova, sokpan ọmwa ero i rhie ọghọ nẹẹn. 3 Itengbemu ẹre ọ ye akpa talọ ẹmwẹ nọ bun gbe; ẹmwẹ umẹwaẹn ẹre ọ degue ẹre. 4 Deghẹ ẹmila na loo ya si emwi na ya vulo otọ i na rrọọ, a i miẹn emwi rhọkpa vbe erru, sokpan ọ ghaa rrọọ, erru gha vuọn ne emwiokọ. 5 Ẹmwata ẹre osẹe nọ gia mu ẹtin yan ta vbe ẹghẹ hia; sokpan, nẹi gia mu ẹtin yan i vbe ta ẹmwẹ ọvbehe gberra ohoghe. 6 Ọmwa nọ ya ọmwa gbe ogiẹ i sẹtin gha mwẹ ẹwaẹn, sokpan, ọmwa nọ rẹn otọ emwi, ẹre ọ rherhe mwẹ irẹnmwi. 7 La hin eke ne ọmwa ukọnmwẹ ye rre, iran i khian miẹn emwi ma ruẹ re. 8 Vbọzẹ ne ọmwa irẹnmwi na mwẹ ẹwaẹn yi? Rhunmwuda ighẹ ọ rẹn emwi ne irẹn gha ru. Vbọzẹ ne ọzuọ na kọn yi? Rhunmwuda, te ọ roro ẹre vbe ẹghẹ hia wẹẹ irẹn rẹn emwi. 9 Avbe akpa gha ru orukhọ, ẹ i vbe gbe iran egbe, sokpan, avbe emwa esi ghi gha hoo na yabọ iran. 10 Ọyẹnmwẹ ruẹ, ọghuẹ nọ, orriara ruẹ, ọghuẹ nọ. Ọmwa nọ gha gu ruẹ ghae ẹre i rrọọ. 11 Owa ọmwa dan gha rẹnkhẹn ruan, sokpan, owa ọmwa esi ghi ye gha rre atẹ. 12 Odẹ ne uwẹ te roro wẹẹ ọre ọghe ẹmwata, sẹtin wa gha re na la sẹ uwu. 13 Uhiẹn vbe ọmwa ghaa giẹ, akhiẹ sẹtin degue ẹre. Ẹko rhiẹnrhiẹnmwẹ gha kpa, akhiẹ ghi mu evba mwẹ. 14 Emwa dan gha miẹn emwi nọ khẹke iran. A gha san emwa esi ẹse ye emwi esi ne iran ru. 15 A i miẹn ẹmwẹ ne akpa i yayi, avbe umẹwaẹn, te iran ghee owẹ zẹ vbe otọ. 16 Avbe umẹwaẹn ghi gha ya egbe lẹẹ ne orueghe, sokpan, avbe akpa i gbarokotọ, oguegue ẹre iran ya ru emwi. 17 Emwa ne egbe balọ ghi gha yin uyinmwẹ akpa, sokpan, a keghi khẹko ọmwa nọ roro emwi. 18 Emwa ni ma rẹn enaye gha rri ukọnmwẹ vbe ukhu. Sokpan, irẹnmwi ẹre a khian ya san avbe umẹwaẹn ẹse. 19 Te emwa dan gha diguẹ vbe odaro emwa ata, ne iran vbu aro nọ maan vbe obọ iran. 20 A i miẹn nọ hoẹmwẹ ovbiogue uhiẹn ya sẹ egbe ẹdogbo ẹre, sokpan iran ni fe ghi gha mwẹ avbe ọse ni bun. 21 U ghaa hoo ne u gha mwẹ ẹko rhiẹnrhiẹnmwẹ, gha tohan ivbiogue; orukhọ nọ na gha zan ọmwaikọmwa. 23 Gha winna, u gha vbe khuan okhuan ẹdẹ ruẹ, sokpan adeghẹ te u tota gbe ọta khian, u gha khian ovbiogue. 30 Ekhọe ne ọfunmwegbe ye, te ọ ya egbe rran ọmwa; sokpan te igbọvo yevbe ẹtẹ nẹi mwẹ ukhunmwu. 31 Ọmwa nọ gbe ovbiogue rhu, Osa nọ yi ẹre, ẹre ọ zaan; Sokpan te ọmwaikọmwa nọ mwẹ ẹnina ghee ovbiogue rhie uyi gie Osanobua.