Psalm

75 Ma rhie ekpọnmwẹ nuẹn Osanobua, ma rhie ekpọnmwẹ nuẹn, ma tae ladian vbene uwẹ kpọlọ hẹ, ma keghi vbe na iyẹn iwinna ọyunnuan nibun ne uwẹ winnaẹn. 2 U khare wẹẹ: “Mẹ rhie ẹghẹ ne I gha ya bu ohiẹn yotọ nẹ, ohiẹn nai na ghee ikpanro, ẹre I ra bu. 3 Ẹghẹ ne avbe emwi na yi hia na gha guọ, na na vbe mu agbọn tobọre rueghe, I keghi gi ẹyotọ ẹre deziẹn. 4 I tama emwa ni rhuọ wẹẹ, “Wa ghẹ ghi rhuọ,” I na vbe tama emwa dan wẹẹ, “Wa ghẹ gha rhuọ rhunmwuda wẹẹ wa mwẹ ẹtin. 5 Wa ghẹ gha rhuọ rhunmwuda wẹẹ wa mwẹ ẹtin ẹsẹse.” 6 Ẹ i re odẹ ekẹn ra odẹ orrie ra odẹ ahọ, ẹre ibuohiẹn ke rre. 7 Osanobua ọre nọ bu ohiẹn. Ọ gha bu ase ne eso, ọ gha bu abe gbe eso. 8 E Jehova mu ukpu ọkpa mwẹ obọ, ọ vuọn ne ayọn nọ wegbe ọghe izohu ẹre, ọ sae ladian, avbe emwa dan keghi dae, iran dae ya sẹ ototọ ukpu fẹẹrẹ. 9 Sokpan, mẹ i ra dobọ ẹmwẹ Osanobua e Jekọb na ta yi, ra nene ihuan urhomwẹ ne I so ghee ẹre.