Psalm

76 A rẹn Osanobua vbe Juda, a vbe ya ọghọ ne eni ẹnrẹn vbe Izrẹl. 2 Ọ mwẹ owa vbe Salẹm, Oke Zaiọn ọre ehe nọ dia. 3 Evba ẹre ọ na bunnọ ifẹnmwẹ eghian, kevbe asa kevbe umozo ọghe iran, deba emwi igbinna ọghe iran hia. 4 A miẹn vbe uyi ruẹ kpọlọ hẹ Osanobua, a miẹn ẹtin nọkhua ne u ya tuorre ke uhunmwu oke dee, vbe ehe ne u na ya khọn avbe eghian ruẹ mu otọ. 5 Avbe ivbiyokuo ọghe iran ni mwẹ ẹtin hia, a bannọ emwi ne iran mwẹ hia kua, banbanna nian, iran gha vbiẹ ovbe uwu; iwegbe kevbe iguemwi iran hia keghi khian emwi kẹkan. 6 Ẹghẹ ne u na ya obọ sekhae ne iran, Osanobua e Jekọb, avbe ẹsin kevbe iran ni hin iran keghi dele, iran na wulo. 7 Sokpan, emwa hia ẹre ọ mu ohan ruẹ Nọyaẹnmwa, ohu gha mu ruẹ, ọmwa ọkpa i rrọọ nọ gha sẹtin mudia vbe odaro ruẹ. 8 Ẹrinmwi ẹre uwẹ ke rhie ibuohiẹn ruẹ ma. Ohan keghi mu agbọn, ọ na hunwan zẹẹ, 9 Ugbẹnvbe uwẹ gua kpaegbe ne u bu ohiẹn, ne u miẹn iran na zẹ kpokpo vbe agbọn fan. 10 Te ohu ne emwa nagbọn mu, dọlegbe rhie urhomwẹ nuẹn sayọ; Izohu ọghe iran nọ ghi dekẹe ẹre u khian ya te egbe. 11 Ha emwi ne u ve, ne Jehova ne Osanobua ruẹ; wa ya imuohan gie ẹre, wa ne agbẹnvbo ni sikẹ edinran. 12 Ọ gha munnọ avbe ọkaolotu ni tọn egbe mu rriotọ; Ọ si ohan ye avbe ọba ọghe agbọn na egbe.