Psalm
73 Osanobua wa ya obọ esi mu Ivbi Izrẹl, avbe iran ni mwẹ ekhọe esi ni rrọọ. 2 Sokpan iro te han mwẹ nẹ, te iyayi mwẹ khian ghi te wirua. 3 Rhunmwuda, I kegha gbe ọ ma kan uwa ne iran ni tọn egbe mu, vbe I miẹn wẹẹ emwi wa dinnodẹ ne emwa dan. 4 Iran i miẹn obalọ vbene iran te wu; egbe rran iran. 5 Iran i rri oya vbene emwa ọvbehe re, iran i miẹn ọlọghọmwa ne emwa ọvbehe miẹn. 12 Erriọ iran ne emwa dan ye. Iran mwẹ emwi ọrhẹnrhẹn te iran ye miẹn nibun ba ẹre 13 Te imẹ ghi wa da egbe mwẹ yi kua kẹkan ra, vbe ne I ma na ru orukhọ? 16 I keghi te gha hia ne I miẹn otọ emwi na, sokpan ọ wa wegbe sẹ mwẹ. 17 Rhinrin mẹ te do gha rrie ọgua Osa ruẹ, I na do rẹn emwi nọ khian rruan emwa dan. 18 Te uwẹ ra viọ iran ye ehe ne miọnghọn, u ghi gi iran dele la ọrhiae rrie. 19 A fuẹn iran rua vbe udomwurri, ufomwẹ iran keghi khọrhiọn. 23 Te ọ yevbe na miẹn wẹẹ I rre ehe ne u ye vbe ẹghẹ hia; U keghi da mwẹ oberhọmwa yi. 24 U ya ẹmwẹ ibude ruẹ su mwẹ, u gha vbe mu uyi yọ mwẹ egbe vbe okiekie. 25 De emwi ọvbehe ne I mwẹ vbe ẹrinmwi gberra uwẹ? Ugbẹnvbe I ghi mwẹ uwẹ nẹ, de emwi ọvbehe ne I ye gualọ vbe agbọn? 26 Egbe sẹtin wọọ mwẹ, ne ẹtin vbe fo mwẹ, sokpan, Osanobua ọre okuta mwẹ, irẹn ọre emwi ọkpa ne I gualọ vbe ẹdagbọn mwẹ. 27 Ẹ i mwẹ iran ni he uwẹ ye otọ ma fuẹn ruan, wẹ gha fuẹn iran rua ighẹ emwa ni ma gua obọ ruẹ. 28 Zẹvbe ọghomwẹ, u miẹn vbọ rhiẹnrhiẹn hẹ na sikẹ Osanobua! Ne Osanobua ne Udazi gha re ọmwa na lẹ gbinna, kevbe na gha na iyẹn emwi nọ he ru hia!