Psalm
72 Eo Osanobua, ma ọba ẹre, nọ gha ya ẹmwata ruẹ bu ohiẹn, ne u vbe rhie iruemwiẹse ruẹ ne ovbi ọba. 4 Ọ gha bu ohiẹn ẹse ne avbe ivbiogue, ọ ghi miẹn ivbi iran fan, kevbe ne obọ ẹre vbe gba avbe eghian ọghe iran. 8 Otọ arriọba ọghẹe gha ke okun ọkpa sẹ ọvbehe, ke Ẹzẹ nii kpa ya sẹ ehe ne agbọn sẹ. 12 Irẹn gha miẹn avbe ivbiogue ni kpee tiẹre fan, deba iran nẹi mwẹ kevbe na he. 13 Ọ gha tohan iran ni ma wegbe kevbe ivbiogue, ọ ghi vbe gi iran ni vbabọ miẹn uhunmwu. 14 Ọ gha miẹn iran fan hin obọ a zẹ ọmwa kpokpo kevbe ọkpankpan rre, emwi ighobioye ọre ẹdagbọn iran khin nẹẹn. 16 Te evbare khian kpọ vbe agbọn na; emwiokọ ghi gbae uhunmwu oke hia, iran ghi gha mọ zẹvbe ọghe Lebanọn. Te emwa gha gbae ore ẹvbo hia, vbene emwiokọ gbae otagbọn na. 18 Uwa rho e Jehova ne Osanobua Izrẹl! Irẹn ọkpa kẹkan, ẹre ọ ru avbe emwi ọyunnuan na hia. 19 Uwa rho eni ẹnrẹn nọ mwẹ uyi ẹdẹdẹmwẹdẹ. Te uyi ẹre gha gba otọ agbọn hia. lsẹ! Isẹ!