Psalm
63 Osanobua, wẹ ọrọre Osanobua mwẹ, ekhọe mwẹ vbe gualọ ruẹ. Egbe mwẹ hia wa gualọ ruẹ, zẹvbe otọ nọ kae nọ fafaa kevbe zẹvbe otọ ne amẹ i ye, ohanmwẹ amẹ ruẹ gbe ekhọe mwẹ. 2 Gu mwẹ bẹghe ruẹ vbe uwu owa nọ huanrẹn nii, gu mwẹ bẹghe vbene u mwẹ ẹtin kevbe uyi hẹ. 3 Ahoẹmwọmwa ruẹ nẹi beghe maan sẹ arrọọ tobọre, rhunmwuda ọni, mẹ gha rho ruẹ. 4 I gha rho ruẹ vbe ẹdagbọn mwẹ hia; I gha tọn obọ mwẹ mu na erhunmwu ghee ruẹ. 5 I gha rri evbare, ẹko ghi vbe vuọn mwẹ, I gha so ihuan urhomwẹ oghọghọ ghee ruẹ. 6 I ye ruẹ rre vbe I gha lovbiẹ vbe ukpo mwẹ; I mu ẹmwẹ ruẹ roro vbe asọn hia. 7 Rhunmwuda, wẹ ẹre ọ yọ mwẹ obọ vbe ẹghẹ hia, vbe ototọ aghọnghọn ifuẹn ruẹ ẹre I na so ihuan oghọghọ. 8 I sikan mu ruẹ, obọ ruẹ keghi rhie mwẹ lẹre. 9 Iran ni hoo ne iran gbe mwẹ rua, gha la idin. 10 A gha gbele iran vbe okuo, avbe ekita oha ghi rri ikun iran. 11 Ọba gha ghọghọ rhunmwuda, Osanobua gi ẹre khọnmiotọ, iran ni ya eni Osanobua yan eyan gha rho ẹre, sokpan a gha gue avbe ọhọnhoghe unu.