Psalm
64 Osanobua, họn erhunmwu mwẹ. Miẹn mwẹ fan, ohan eghian mwẹ mu mwẹ. 2 Miẹn mwẹ fan vbe obọ iro dan ọghe emwa dan, miẹn mwẹ fan hin obọ otu ọkhọ rre. 3 Iran lọ aranmwẹ iran zẹvbe umozo, iran kegha ya ẹmwẹ ọkhọ kọn ọmwa zẹvbe ifẹnmwẹ. 4 Iran ghi ke eke ne iran lẹre yi gha filo ẹre gie ọmwa nọ ma rẹn ọkpa rẹn eva; iran ghi gha filo ẹre gie ẹre vbe udomwurri vbene ohan i na mu iran. 5 Iran ghi gha ye egbe ike vbe uma dan ne iran si, iran ghi gha si uma vbekpa ehe ne iran gha rhuẹ ifi iran yi. Iran ghi gha kha wẹẹ, “Ọmwa rhọkpa i miẹn iran.” 6 Iran gha si uma dan nẹ, iran ghi kha wẹẹ, “Iba nọ de fiọ fo, ẹre ima wa mwamwa yotọ na.” Ọkpaodin ẹre ekhọe kevbe orhiọn ọmwa nagbọn khin. 7 Sokpan, Osanobua ghi fi ifẹnmwẹ ọnrẹn gie iran, emwi ghi vba iran vbe udomwurri. 8 Ọ gha fuẹn iran rua rhunmwuda avbe ẹmwẹ ne iran ta nii, emwa ni miẹn iran hia ghi gha fieghe uhunmwu. 9 Ohan gha mu iran hia, iran ghi gha mu iwinna Osanobua roro, iran ghi vbe gha na iyẹn emwi nọ ru.