Psalm
62 I hẹko ya izinegbe mudia khẹ Osanobua nọ do miẹn mwẹ fan. Irẹn ọkpa kẹkan ọre I mu ẹtin yan. 2 Irẹn ọkpa kẹkan ẹre ọ degue mwẹ, ọ vbe miẹn mwẹ fan, obọ ọmwa i khian gba mwẹ ẹdẹdẹmwẹdẹ. 5 Vbene ẹmwata, Osanobua ọkpa ẹre I ya egbe yan, rhunmwuda uwẹ ẹre ọ ya mwẹ mwẹ ayayẹro 6 Irẹn ọkpa kẹkan ọre okuta mwẹ kevbe nọ miẹn mwẹ fan, obọ ọmwa i khian gba mwẹ ẹdẹdẹmwẹdẹ. 7 Osanobua ọre ọmiọnmwafan mwẹ kevbe ne uyi mwẹ hẹnhẹn egbe yan. Irẹn ọre ugue mwẹ nọ wegbe, irẹn ọre ehe ne I lẹre yi. 8 Wa ne emwa mwẹ, wa mu ẹtin yan Osanobua vbe ẹghẹ hia. Wa ta enegbe uwa hia ma rẹn. Osanobua keghi re ugue ne ima. 10 [Psm ] Ghẹ mu ẹtin yan uyinmwẹ ika, ghẹ rhie aro ye ere na miẹn vbe oyi na rha, adeghẹ ẹfe ruẹ vbe muan yọ, ghẹ mu ẹtin yan rẹn. 11 Ọ gberra uhukpa ne I he họẹn vbe Osanobua khare wẹẹ, irẹn ẹre ọ yan ẹtin.