Psalm

32 Oghọghọ nọ ne ọmwa ne Osanobua ya orukhọ ọghẹe ma rẹn, kevbe ọmwa na ya orukhọ ọghẹe bọ. 2 Oghọghọ nọ ne ọmwa ne Jehova ma ka abakuru ye ọre owẹ, kevbe nẹi mwẹ erẹrẹ hiehie. 3 Ẹghẹ ne I ma na miẹn orukhọ mwẹ kue, I kegha dọn ba ẹmwẹ eve ne I viẹ ne ebi ro. 4 Ke asọn vbe avan ọre u ya rriọmwẹ oya, Nọyaẹnmwa, orhiọn ni mwẹ fo fẹẹrẹ, zẹ vbene ovẹn ọghe uyunmwu ka evbu. 5 Vbe okiekie, I na miẹn orukhọ mwẹ kue ma ruẹ, I ma vbe gbe gue abakuru mwẹ, l keghi wa miẹn ehia kue ma ruẹ, uwẹ keghi vbe ya orukhọ mwẹ hia bọ mwẹ. 7 Wẹ ọre ehe ne I lẹre yi, u gha fan mwẹ vbe obọ ọlọghọmwa, I mu ẹmwẹ imiẹnfan ruẹ go rhunmwuda, wẹ ẹre ọ degue mwẹ. 8 I gha rhie ẹwaẹn nuẹn, I ghi vbe ma ruẹ odẹ ne u gha la. I gha bu ruẹ ude, I ghi vbe gi aro mwẹ gha sẹ otọ vbe egbuẹ. 10 Ẹ i mwẹ ne ọmwa dan ghẹ rri oya, sokpan, ahoẹmwọmwa ọghe Jehova nẹi beghe, degue iran ni mu ẹtin yan rẹn.