Psalm
23 E Jehova ọre ọsuohuan mwẹ. I i khian gha rre ivbabọ. 2 Ọ mu mwẹ lovbiẹ vbe oha nọ furre, ne irunmwu ye, ọ rhie mwẹ gha rrie ẹzẹ nọ furre khuẹrhẹ. 3 Ọ fu mwẹ egbe rre. Ọ su mwẹ vbe odẹ ẹmwata, rhunmwuda eni ẹnrẹn. 4 Ọ gha khọnrẹn ne I gha khian vbe iya nọ so ebiebi kalokalo, ohan emwi rhọkpa i khian mu mwẹ, rhunmwuda, uwẹ gu mwẹ rrọọ. Orhokhua ruẹ kevbe ọkpọ ruẹ tan obọ gue mwẹ. 5 Uwẹ ye evbare mẹ re, sirra eghian mwẹ. U ya ofigbọn wuo mwẹ uhunmwu, o keghi ye khuẹrhẹ; U keghi sa ukpu mwẹ, nọ vuọn sẹ ukpẹ. 6 I wa rẹn wẹẹ, umamwẹ ruẹ kevbe ahoẹmwọmwa ruẹ nẹi beghe, gha gu mwẹ gha rrọọ, vbe ẹdagbọn mwẹ hia. Kevbe wẹẹ, owa e Jehova ẹre I khian gha ye vbe ẹdagbọn mwẹ hia.