Psalm
24 E Jehova ẹre ọ yan agbọn na, kevbe emwi ni rre uwu ẹre hia. Irẹn ẹre ọ yan otọ agbọn kevbe iran ni rrọọ hia. 2 Ọ bọe yan odin amẹ nọ rre uwu otọ. Ọ keghi vbe gbe ẹyotọ ẹre yan uhunmwu ẹzẹ. 3 De ọmwa nọ kere nọ gha hin uhunmwu oke ọghe Jehova? De ọmwa nọ gha la ọgua Osa ẹre nọhuanrẹn? 4 Ọmwaikọmwa nọ ma rẹn ọkpa rẹn eva, kevbe ne ekhọe ọre huanrẹn, nọ ma ya arrọọ Mwẹ vẹn ihẹn ọghe ohoghe, kevbe nẹi yan eyan ohoghe. 5 E Jehova gha fiangbe iran, ọ ghi vbe miẹn iran fan, Osanobua gha kha ighẹ iran ma rri abe. 6 Iran na ọre emwa ni bu Osanobua dee, ni die odaro Osanobua e Jekọb. 7 Wa bilo urho nii yotọ gbodoo, wa kie avbe ẹkhu arre nii rua, Ọba nọkhua gha la owa. 8 De ọmwa nọ re ọba nọkhua na? Irẹn nọ ighẹ e Jehova nọ wegbe kevbe nọ mwẹ ẹtin. E Jehova nọ khọnmiotọ vbe okuo. 9 Wa bilo urho nii yotọ gbodoo, wa kie avbe ẹkhu arre nii rua. Ọba nọkhua gha la owa. 10 De ọmwa nọ re Ọba nọkhua na? E Jehova nọ khọnmiotọ, irẹn ọre Ọba nọkhua.