Job
5 “Go tie emwa nian, e Job. Ghee ẹre ghee, adeghẹ ọmwa rhọkpa gha khuẹnniẹn. Odibosa ọkpa rrọọ ne u gha lẹgbinna ra? 2 Ne ọmwa rhunmwuda ighẹ emwi sọnnọ rẹn, kpokpo egbe ya uhunmwu yọ, uyinmwẹ ukọnmwẹ akpa vbe abobo ẹre nọ. 3 I miẹn avbe akpa eso, nọ yevbe ne ẹkun wa sẹ ọre otọ. Sokpan, I keghi tie ihẹn udemwurri ye owa iran. 4 Ivbi iran i sẹtin gha rrọọ vbe a i mwẹ ẹbe; a i miẹn nọ mudia gui ẹzọ iran vbe iko. 5 Emwa ohanmwẹ ẹre ọ khian rri emwiokọ akpa, ya sẹ egbe avbe ọka nọ zọ vbe uwu igban, emwa ne ohanmẹ gbe ghi ya aro ye ẹfe ẹre. 6 Ọkhọ i zọ vbe otọ, ẹ i re uwu otọ ẹre ukpokpo ke zọ rre. 7 Ẹo! Ọmwa ẹre ọ si ẹti ye egbe ẹre urhu, vbene ugiọnmwẹ erhẹn kpannọ ke uwu erhẹn ladian. 8 “Akpawẹ mẹ ọre uwẹ, I gha te hẹko sikẹ Osanobua, I gha gui ẹzọ mwẹ ma rẹn. 9 Ma i sẹtin rẹn iwinna nọkhua nọ winna, iwinna ọyunnuan ẹnrẹn i vbe mwẹ ufomwẹ. 10 Ọ ghi rhọọ amẹ ye otọ nii. Ọ ghi gbe amẹ khakha uwu oha. 11 Vbene ẹmwata, Osanobua ẹre ọ tọn emwa ọmẹhẹ mu, ọ ghi vbe rhie oghọghọ ne ni khiẹ hia. 12 Ọ ghi duẹ emwamwa ọghe emwa ero rua. 13 Ọ ghi ya ifi ne umẹwaẹn khuẹn muẹn sẹrriọ wẹẹ, a i miẹn ọdunnaẹn vbe iwinna iran. 14 Iran ghi gha ya obọ baba odẹ vbe ogiavan. 15 Sokpan, Osanobua ghi miẹn ovbiogue fan vbe obọ uwu, ọ ghi miẹn nẹi mwẹ fan vbe obọ iran ni zẹ ọre owẹ. 16 Ọ rhie idaehọ ne ovbiogue. Ọ gue ọmwa dan unu. 17 “Afiangbe nọ ne ọmwa ne Osanobua dia ye odẹ, ọ gha guẹ gui, ghẹ khiẹkhiẹ egbe yọ. 18 Osanobua ẹre ọ vbe gba ẹwẹn ne irẹn fiaẹn. Obọ ọre gha kuan ruẹ, obọ ọre, ẹre ọ vbe sinmwi ruẹ. 19 Kugba ke ẹghẹ ẹre ọ ya miẹn ruẹ fan hin ikuanegbe rre. 20 Ukhunmwu gha rre, ọ gha da ruẹ yi ye agbọn, kevbe ẹghẹ okuo, ọ ghi degue ruẹ hin obọ uwu. 21 Osanobua gha miẹn ruẹ fan vbe obọ ovinzẹ, ọ gha miẹn ruẹ fan vbe ọfuan gha rre. 22 U gha ya ohanmwẹ kevbe ọguọghua gbe ogiẹ; afianma aranmwẹ akọn i ra vbe fian an. 23 A i ra miẹn okuta vbe oha ne u na mu ugbo, aranmwẹ akọn i ra vbe guẹ gbinna. 24 Ẹghẹ nii, u ghi gha rre irhu ruẹ vbe ọfunmwegbe; u gha ya ghee ohuan ruẹ, u ghi miẹn wẹẹ, emwi rhọkpa ma ru iran. 25 Ubunmwẹ ivbuẹ gha yevbe ebe ni rre oha erria. 26 Zẹvbe ọka nọ wo, ọ te sẹ ẹghẹ emwiorhọ, u gha tọ wirua. 27 E Job, ẹghẹ nọ taẹn ẹre a ya gualọ otọ ọna miẹn. Ẹmwata nọ, rhunmwuda ọni, rhan obọ miẹn ọnrẹn.”