Job
4 Ẹre Elifaz ne ovbi ẹvbo na tie ẹre Tẹman na wanniẹn, ọ wẹẹ, 4 Ọmwa gha ye mitanmitan, egbe na wọọ re, ọ na de, ẹmwẹ unu ruẹ ẹre ọ rhie ẹtin nẹẹn nọ guakpa vbe otọ. 14 I kegha guọ, I na ki rre. Egbe mwẹ hia kegha mian kpẹkpẹkpẹ rhunmwuda ohan. 15 Orhiọn ọkpa keghi la odaro mwẹ gberra; ohan keghi ya egbe rrirri mwẹ. 16 I bẹghe vbe emwi ọkpa mudia vbe evba, I ziẹn aro yọ sokpan I ma rẹn emwi nọ khin; ehe hia keghi ye hiẹrẹ, iyeke ọni, I na họn urhu ọkpa: 18 Ghee ẹre! Ọ ma mu ẹtin yan avbe eguọmwadia ẹre, Ọ vbe miẹn abakuru vbe obọ avbe odibo ẹre. 19 Wẹ yayi ighẹ ọ gha mu ẹtin yan emwi na ya obuẹ ma? Emwi na ya ebubẹ ru, nọ gia lọkọ rua zẹvbe arriukpa?