Job

6 E Job keghi wanniẹn wẹẹ, 2 “Akpawẹ a mwa ọlọghọmwa kevbe akhiẹ mwẹ vbe eskel, 3 iran gha khua sẹ ekhae ni rre okun. Ọna ẹre ọ si ẹre ne I na gha talọ ẹmwẹ nọ ma khianrẹn. 4 Osanobua ne Udazi ya ifẹnmwẹ salọ mwẹ nẹ, obi ni rrọọ rọn la mwẹ egbe hia, Osanobua tẹn emwi ni mu ohan ọghẹe ye uviẹn khẹ mwẹ. 5 “Ekẹtẹkẹtẹ gha rri irunmwu, ẹko ghi vuọẹn; ẹmila i wogho vbọ gha rri irunmwu nọ kae. 6 Sokpan, gha ọ gha sẹtin rri ukhuankhuan kevbe okuhọ? De orhiẹnrhiẹn nọ rre ehe nọfua vbe ekẹn ọkhọkhọ? 7 Evbare vberriọ i khọn mwẹ, emwi ne I rhirhi a re hia, ẹre ọ ghi si emianmwẹ yọ mwẹ egbe. 8 Vbọzẹ ne Osanobua i na rhie emwi ne I nọ rẹn mẹ yi? Vbọzẹ nẹi na họn erhunmwu mwẹ yi? 9 Akpawẹ ọ gha wa gi obọ kẹ nọ gbe mwẹ rua nian! 10 Akpawẹ I rẹnrẹn ighẹ ọ gha ru vberriọ, I gha ya oghọghọ san ghee odukhunmwu. Vbene obalọ mwẹ a rhirhi kpọlọ sẹ hẹ, mẹ rẹnrẹn wẹẹ Osanobua huanrẹn, I ma he gbe odan ye ẹmwẹ ọnrẹn ẹdẹ. 11 De ẹtin ne I mwẹ ne I gha na ye gha rre agbọn yi? Vbia ghi rre agbọn ba vbe idaehọ i ghi rrọọ? 12 Okuta ẹre a ya ma mwẹ ra? Oze ẹre ifun egbe mwẹ khin ra? 13 Orhiọn i ghi rrọọ mwẹ re, ne I gha ya miẹn egbe mwẹ fan! Ehe ne I gha na nọ iyobọ i ghi rrọọ. 14 “Ẹghẹ ọlọghọmwa vbenian, avbe ọse nọ gua obọ ọmwa ẹre I hoo. Adeghẹ I fi iyeke gbe Osanobua ra ẹo. 15 Sokpan, wa ne avbe ọse mwẹ, wa keghi hiẹ mwẹ zẹvbe ẹzẹ nọ kae vbe amẹ ma rhọọ. 16 Isonorhọ kevbe esia ya ẹzẹ zeze. 17 Sokpan, owowo gha rre, a ghi ho ehia bẹkun. Otọ ẹzẹ nii ghi dihoirua, ọ ghi kakaa. 18 Iran ni khian vbe ato ghi gualọ amẹ wirua, iran ghi zozo rua, wulo ye uwu ato. 19 Ekhẹn ato ni ke Siẹba kevbe Tẹman rre gualọe. 20 Sokpan, idaehọ iran wulo ye ọkpẹn ẹzẹ nọ kae. 21 Vbene avbe ẹzẹ nii ye, ẹre uwa khin mẹ, wa ghi miẹn vbene ọ ye mwẹ hẹ, wa keghi ya ohan lẹẹ mẹ. 29 Ehe ne uwa he khian sẹ nii sẹ. Wa dobọ a i ta ẹmwata yi. Wa ghẹ bu abe mẹ. Mẹ ẹre ọ rri ase.