Job

33 “Banbanna nian, e Job, u ghi hẹko danmwehọ, avbe ẹmwẹ ne I mwẹ, ne I ra ta. 2 I mu egbe ne I ya ta ẹmwẹ ne ọ rrọọ mwẹ ekhọe. 3 Ẹmwe nọ ke ekhọe rre ẹre ẹmwẹ mwẹ hia khin, ẹmwata ẹre I vbe ta. 4 Orhiọn Osanobua ẹre ọ yi mwẹ, ọ na vbe rhie arrọọ mẹ. 6 Ọkpa ẹre imẹ vbe ruẹ khin vbe odaro Osanobua, obuẹ ẹre a ya ma ima eveva. 7 Rhunmwuda ọni, emwi ọkpa nọ gha ya ohan mwẹ gha muẹn, ẹi rrọọ, imẹ i ra dee yan ruẹ. 8 Ẹmwẹ ne I họẹn wẹẹ u tae, ẹre ọna khin wẹẹ, 9 ‘I ma rri abe. I ma rukhọ, I ma rẹn ọkpa I ma rẹn eva, orukhọ i gue mwẹ. 10 Te Osanobua wa gheghe hoo emwi nọ gha ru mwẹ re. Ọ na gha ru mwẹ zẹvbe oghian rẹn. 11 Ọ rrọ ọgiọrọ yọ mwẹ owẹ, ọ na gha baba mwẹ vbe emwi ne I ru hia.’ 12 “Sokpan, ne I tama ruẹ Job, te u wa baeku. Osanobua kpọlọ sẹ ọmwaikọmwa. 17 Te Osanobua gu iran guan ne iran miẹn ehe na dobọ orukhọ na ru yi, kevbe na ghẹ miẹn wẹẹ, te iran ghi tọn egbe mu. 25 Egbe ẹre ghi do dọlegbe gha ru ọvbokhan ọvbokhan, ọ ghi do situa.