Job
10 “Wa danmwehọ mwẹ, wa ni rẹn otọ emwi, Osanobua ne Udazi gha ru emwi nọ ma gba ra? 11 Te irẹn san emwa ẹse ye emwi ne iran ru, ọ ghi vbe gha ru iran emwi nọ maan iran. 12 Osanobua ne Udazi i ru emwi dan, ẹ i vbe ru ọmwa rhọkpa emwi nọ ma ke. 21 Ọ wa ghee owẹ hia ne dọmwadẹ ọghẹe zẹ. 22 Ebiebi nọ so sẹ nọ gha degue ọmwa orukhọ ne Osanobua, ẹ i rrọọ. 23 Osanobua i vbe bu ẹdẹ yọ ne emwa ya rre ne irẹn bu ohiẹn iran. 24 Ẹ i vbe gualọ ọmwa nọ gha gualọ otọ emwi nẹ, ọ ke rhie ọkaolotu hin rre, nọ rhie ọvbehe ye ihe ẹre. 25 Rhunmwuda ighẹ ọ rẹn emwi ne iran ru; asọn gha rre, ọ ghi filo iran gbe otọ rẹnkhẹn iran an. 26 Ọ ghi rri emwa orukhọ oya, vbe ehe ne emwa hia gha na miẹn ọnrẹn, 27 rhunmwuda, iran ma ghi lelẹe, iran na vbe yangbe uhi ẹre hia. 28 Iran ghi ru ovbiogue ne iran ya tu nọ Osanobua iyobọ, rẹn keghi họn utumwẹ iyobọ, ne iran tu tie ẹre. 29 Osanobua gha kha ighẹ irẹn i zẹdẹ guan yọ, ọmwa nọ gha nọ rẹn i rrọọ. Ọ gha rhie aro ẹre lẹre, ọghe emwa nagbọn fo.