1 Ọba

10 Ẹre Elaija na gha rie Zẹrafat, ọ ghi wa sẹ onurho na la la ẹvbo nii, ọ keghi miẹn ẹgbẹe nọ si ẹrhan koko vbe evba ọ keghi tama rẹn wẹẹ: ”‏Lahọ sa amẹ gu mwẹ wọn.”‏ 11 Irẹn ghi khian ya sae rre, ọ keghi tama rẹn wẹẹ, ”‏Lahọ, u ghi rhie ebrẹd eso ba ẹre rre.”‏ 12 Okhuo ni keghi wanniẹn wẹẹ, ”‏I ya eni Jehova ne Osanobua ruẹ nọ rrọọ vẹn ihẹn wẹẹ, I i mwẹ ebrẹd hiehie. Emwi ni mwẹ ma gberra ovbi eflawa kherhe vbe uzokpo kevbe ofigbọn oliv kherhe vbe ovbi eluba. Te I rre do ho erhan na, ne I ya le evbare kherhe nọ ghi gu mwẹ, ne imẹ vbe ovbi mwẹ. Evbare okiekie ọghe ima na khin. Iyeke ọnii, ohanmwẹ ghi gbele ima rua.”‏ 13 Elaija keghi tama rẹn wẹẹ, ”‏Ghẹ fian afianma, ya le evbare ruẹ. Sokpan ka le evbare kherhe vbe ne u mwẹ mu gu mwẹ nẹ. Iyeke ọni, u ghi le ni dekẹe ne uwẹ vbe ovbi ruẹ. 15 Okhuo nii kegha khian ya ru zẹvbe ne Elaija tama rẹn. Evbare keghi gha gu iran vbe ikpẹdẹ ni bun. 18 Okhuo nii keghi tama Ẹlaija wẹẹ, ”‏Ọmwa Osanobua, vbua ghi na ru mwẹ emwi vbenian hẹ yi? Te u do ye mwẹ orukhọ mwẹ rre ra, ne u vbe gbe mwẹ ọmọ rua ra?”‏