2 Samuẹl

13 Absalọm ne ovbi e Devid kegha mwẹ ọtẹn nokhuo ọkpa nọ mose ẹsẹse, a kegha tie ẹre Tama. Ovbi e Devid ọkpa na tie ẹre Amnọn keghi do hoẹmwẹ ọnrẹn. 2 Ọ hoẹmwẹ ọtiọnrẹn okhuo na sẹrriọ wẹẹ, ọ na do gha khuọnmwi. Ọ kegha roro ẹre wẹẹ, obọ irẹn i ra vba ẹre ẹdẹ rhunmwuda, uvbi nọ ma he rẹn okpia nọ, a i vbe kue nọ gu ikpia gha mu obọ. 10 ​Irẹn keghi tama rẹn wẹẹ, “Mu eka nii gha die ukpo mwẹ vbe emwa, ne u tobọ ruẹ gha rhie ẹre mẹ.” Irẹn keghi gele mu eka nọ da fian nii, ọ na bu ẹre gha khian. 11 Ugbẹnvbe ọ ghi rhie ẹre nẹẹn, ọ keghi gbae ginna egbe, ọ na tama rẹn wẹẹ, “Gi ima gba lovbiẹ.” 12 Irẹn keghi wanniẹn wẹẹ, “Ẹn o, ghẹ ru mwẹ vberriọ! Ẹi zẹdẹ maan hiehie, ghẹ zẹ iba dan na. 13 Mẹ gha ye sẹtin guan vbe uwu ẹbu ẹdẹ ra? Kevbe uwẹ tobọ ruẹ, u ghi do fa egbe rua vbe Izrẹl. Lahọ, gu ọba guan, mẹ yayi wẹẹ, ọ gha ya mwẹ nuẹn.” 14 Sokpan, ọ ma zẹ ye ọre re, rhunmwuda ne irẹn na wegbe sẹ ọre nii, ọ keghi ya ẹtin vbe iwegbe gu ẹre ru emwi ọdọ vbe amwẹ. 15 Vbe iyeke ọni, ohu ẹre keghi gha mu Amnọn sọsọsọ. Ohu ẹre nọ muẹn nian, keghi kpọlọ sẹ vbene ọ te hoẹmwẹ ọnrẹn. Ọ keghi tama rẹn wẹẹ, “Ladian mwa!’” 28 Ọ keghi tama avbe eguọmwadia ẹre wẹẹ, “Uwa gha baba Amnọn, ọ gha ghi da gbe egbe nẹ, l gha tama uwa, wa ghi gbe ẹre rua. Uwa ghẹ gi ohan mu uwa. Uhunmwu imẹ tobọ mwẹ ẹre ọ ye, uwa din, uwa ghẹ ru ẹre ghẹghẹghẹ!” 29 Avbe eguọmwadia nii keghi gbe Amnọn zẹ vbene Absalọm tama iran. lvbi e Devid nekpa keghi hin ẹsin ọghe iran, iran na lẹẹ gha rrie.