2 Samuẹl

9 Vbọzẹ ne u na rra uhi e Jehova? Vbọzẹ ne u na ru emwi dan na. U wẹẹ ne iran gbe Uraia rua vbe okuo! U keghi rhie amwẹ ọnrẹn, iyeke vbe u ghi gi ivbi Amọn gbe ẹre rua nẹ. 10 Banbanna nian, te a gha miẹn ivbuẹ eso ni gha wu uwu dan vbe orre hia, rhunmwuda, u rra uhi mwẹ, u keghi rhie amwẹ Uraia.’ 11 Ọna ọre emwi ne Jehova khare: ‘I vbe yan ma ruẹ nian wẹẹ I gha ru ẹre, ne ovbi uwowa ruẹ gha si ọlọghọmwa yọ ruẹ egbe. U gha ye aro ruẹ miẹn ọnrẹn vbe I gha viọ avbe amwẹ ruẹ ne okpia ọvbehe, ọ ghi gha gu iran ru emwi ọdọ vbe amwẹ vbe ogiavan ogioghogho. 12 Ẹkhokho ẹre uwẹ na rukhọ sokpan, ogiavan ogioghogho ẹre imẹ ra ya gie ọna sunu, ne Izrẹl hia bẹghe ẹre.’” 13 E Devid keghi kha wẹẹ, “I ru orukhọ ghee Jehova nẹ.” E Natan keghi wanniẹn wẹẹ, “E Jehova yabọ ruẹ nẹ, u i ghi ra wu.